کابلده پارتلش یوز بیردی

طالبان اوتکینچی حکومتی ایچکی ایش لر وزیرلیگی سوزچیسی عبدالنافع تکور, بوگون توشدن کیین وزیر اکبر خان جامع مسجدی یقینیده پارتلش یوز بیرگن لیگی نی بیلدیردی. 

اوشبو حادثه عاقبتیده حیاتی نی یوقاتگن لرنینگ همه سی نینگ عادی اهالی ایکن لیگی نی بیلدیرگن سوزچی, قربان لرنینگ سانی حقیده ایسه معلومات بیرمه دی. 

طالبان اوتکینچی حکومتی کابل امنیه قوماندان لیگی سوزچیسی خالد زدران, اوشبو حادثه نی تائید ایترایکن, حادثه نینگ جزئیاتی حقیده ایسه گپیرمه دی. 

پارتلش حادثه سی انسان لر جمعه نمازی دن چیقیشی آرتیدن یوز بیردی. 

شاهد لر مقناطیسی بیر ماین نینگ مسجد نینگ ایشیگیده پارتله گن لیگی نی معلوم قیلرایکن, طالبان نینگ خوفسیزلیک مسئول لری ایسه حاضرگه چه اوشبو انفجار نینگ توری حقیده گپیرمه گن.