زابل و قندهار ولایت لریده سوو تاشقین لری عاقبتیده کوپلب کیشی حیاتی نی یوقاتدی

زابل و قندهار ولایت لریده سونگّی اوچ کونده سوو تاشقین لری عاقبتیده 18 کیشی حیاتی نی یوقاتدی. 

طالبان نینگ اوتکینچی حکومتی آفت رهبریتی دولت وزیرلیگی سوزچیسی محمد نسیم حقانی, زابل و قندهار ولایت لریده سونگّی اوچ کونده گی سوو تاشقین لری عاقبتیده 10 کیشی سی طالبان اعضاسی بولگن 18 نفر نینگ حیاتی نی یوقاتگن لیگی نی بیلدیردی. 

سوو تاشقین لری عاقبتیده 20 دن آرتیق کیشی نینگ یره لنگن لیگی نی معلوم قیلگن حقانی, اوشبو اوچ کونده یوزلب اوی نینگ ویران بولگن لیگی نی ایسله تیب اوتدی. 

عینی دمده حقانی, سونگّی بیر آیده سوو تاشقین لری عاقبتیده 120 کیشی نینگ حیاتی نی یوقاتگن لیگی و152 نفر نینگ ایسه یره لنگن لیگی نی بیلدیردی.

سوو تاشقین لری عاقبتیده کوپلب کوپریک نینگ ویران بولگن لیگی نی بیلدیرگن حقانی, سونگّی بیر آیده سوو باسگن 3 مینگ اویگه ضرر ییتگن لیگی نی معلوم قیلدی. 

حقانی, وزیرلیک اوله راق سوو تاشقین لری دن تاثیرلنگن لر گه پول و غذایی مواد یاردم بیرگن لیک لری نی بیلدیردی.