افغانستانده سونگگی هفته لرده اولکه نی ترک ایتیب کیتماقچی بولگنلر سانی کوپه ییب بارماقده

بیرلشگن ملتلر تشکیلاتی قاچقینلر یوکسک کمیشنری فلیپو گراندی، افغانستانده سونگگی هفته لرده اولکه نی ترک ایتیب کیتماقچی بولگنلر سانی نینگ کوپه ییب بارگن لیگینی ایتدی.

گراندی، بیرلشگن ملتلر تشکیلاتی خوفسیزلیک کینگشی گه بیرگن معلوماتده افغانستانده گی وضعیت نینگ ینگی قاچقین بحرانی گه سبب بولیشی گه دقت تارتدی.

افغانستانده 23 میلیون کیشی نینگ قتّیق درجه ده آچلیق سویه سیگه بارگن لیگینی شونده ی بولیب باش پناه، ایچیملیک سوو و ساغلیک خذمتلری قیینچیلیگی گه دوچ قالگن لیگینی معلوم قیلگن گراندی، 3،5 میلیون کیشی نینگ توقنه شوولر باعث بدرغه بولگن لیگینی افاده ایتدی.

گراندی بشری یاردملر بیلن اقتصادنی قوتقریش نینگ ممکن ایمس ایکن لیگینی ایتدی.

"افغانستانده بو اساسی بحرانگه قرشی استه – سیکین آلغه باریش جوده خطر تشکیل ایته دی" دیدی.

گراندی "سونگگی هفته لرده اولکه سینی ترک ایتیب کیتماقچی بولگن افغانستانلیکلرنینگ سانی کوپه ییب بارماقده. دولت و اقتصادده گی چوقور و بویوک پارتلش نینگ قوشنی اولکه لرگه، حتی ایریم منطقه لرگه قاچیب کیتیش دالغه سیگه سبب بوله جگی گه ایشانه میز" دیب ایتدی.