آخندزاده اولکه نی ترک ایتیب کیتماقچی بولگنلرنینگ ایشیتیلیشی بوییچه چقیریق قیلدی

افغانستانده طالبان ییتکچیسی ملا هبت الله آخندزاده قیسی سببدن بولسه اولکه نی ترک ایتیب کیتماقچی بولگنلرنینگ قیینچیلیکلرینی ایشیتیلیشی و ییچیم تاپیلیشی بوییچه چقیریق قیلدی.

آخندزاده بیرگن یازمه بیاناتده والیلر، ییتکچیلر و دین عالملرینی افغانستان نی ترک ایتیب چیقماچی بولگنلر بیلن "یوزمه یوز اوچره شوو" و خواطرلرینی ایشیتگندن کیین ییچیم تاپیش گه چقیردی.

سیاسی ویا اقتصادی سببلر بیلن باله و خاتین – قیرلرینی آلیب غرب گه کیتماقچی بولگن افغانستانلیکلرنینگ بعضی بیر خوفسیزلیک، اخلاقی و انسانی قیینچیلیک که دوچ قالگن لیگینی تاکییدله گن آخندزاده بولرنینگ غربی اولکه لریده اقامه آلیش اوچون جهلی حجتلر توزتیش قاله ویرسه اسلام و اسلامی تیزیم گه افطرا آتیش گه مجبور قیلینگن لیگینی ادعا ایتدی.

آخندزاده اولکه نی ترک ایتیب چیققنلرنینگ کوپراغی نینگ مسلکی استعدادلرینی اولکه نینگ برقرارلیگی و رواجلنیشی اوچون مصرف قیلیشلری اورنیده بارگن اولکه لرده معمولی ایشلر بیلن شغللنگن لیگینی ایتدی.

اولکه نی ترک ایتیب کیتگن افغانستانلیکلرنینگ یولده و قالگن کمپلرده هم تورلی قینچیلیکلرگه دوچ قالگن لیگینی اشاره قیلگن آخندزاده بونینگ هربیر افغانستان وطنداشینی قیغولندیرگن لیگینی اورغوله دی.

عیندمده آخندزاده طالبان ییتکچیلریدن اولکه نینگ خوفسیزلیگینی تامین ایتیش اوچون بوندن آرتیق اورونیشینی خواهله دی.

طالبان نینگ افغانستانده باشقروونی قولگه کیریتیب آلیشی نینگ آرتیدن خارجی کوچلر و موسسه لرده ایشله گن انچه افغانستانلیک سابق باشقروونینگ حربیلری، ژورنالیستلر، انسان حقلری و مدنی جامعه سی فعاللری اولکه نی ترک ایتیب کیتگندی.

طالبان باشقرووی ایسه عمومی عفو ایتیب اعلان قیلگن لیکلرینی و هیچ کیم گه ضرر بیرمسلیکلرینی بیلدیرگندی.