طالبان باشقرووی برچه افغانستان خلقی نینگ پاسپورت آلیش گه حقی بولگن لیگینی بیلدیردی

طالبان اوتیش دوری باشقرووی نینگ ایچکی ایشلر وزیرلیگی پاسپورت باشلیغی اورینباسری علم گل حقانی، بی بی سی گه بیرگن بیاناتده 15 آگستده توخته تیب قوییلگن پاسپورت بیریش جریانی گه قیته دن باشله شی نینگ آرتیدن هرکونی 4 الی 4500 ته پاسپورت بیرگن لیکلرینی و توپلم بیریلگن پاسپورت سانی نینگ 46 مینگ گه ییتگن لیگینی اورغوله دی.

حقانی "برچه افغانستان خلقی نینگ پاسپورت آلیش گه حقی بار" دیدی.

پاسپورت ایشلرینی سیستم گه قویگن لیکلرینی معلوم قیلگن حقانی خلق نینگ تیگیشلی باشقروولر آرقه لی بی ملال پاسپورت آلیش گه باشله گن لیگینی افاده ایتدی.

حقانی پاسپورت بیرووچی دفترلرنینگ برچه خلق نینگ خذمتیده ایکن لیگینی معلوم قیلیب چیت ایلگه کیتماقچی بولگن هرکیم گه اسناد بیره جکلرینی و آلدینگی باشقروودن شخصلرنینگ هم پاسپورت آلیشلرینی ممنونیت بیلن کوتیب آله جکلرینی قید ایتدی.

طالبان باشقرووی نینگ افغانستان خلقی نینگ کیله جگی اوچون اورونگن لیگینی افاده ایتیب هیچ کیم نینگ اولکه نی ترک ایتیش گه مجبور ایمس ایکن لیگینی و قورقمه یشی کیره ک لیگینی بیلدیردی.

حقانی هرکیم گه پاسپورت بیرگن لیکلرینی هیچ کیم نینگ اولکه دن چیقیشی گه توسیق بولمه گن لیکلرینی، هیچ کیم گه شکنجه قیلمه گن لیکلرینی و بونینگ دشمنلرنینگ تبلیغی ایکن لیگینی ادعا ایتدی. تداوی گه احتیاجی بولگنلر، سپورتچیلر و اوقیووچیلرنینگ بیرینچی اورینده تورگن لیگینی تیلگه آلدی.