اشرف غنی افغانستان خلقیدن کیچیریم سوره دی

طالبان نینگ افغانستان نینگ کنترولینی قولگه کیریتیب آلیشی بیلن اولکه نی ترک ایتیب قاچیب کیتگن و بیرلشگن عرب امیرلیکلریگه باریب سیغینگن سابق افغانستان جمهور باشلیغی اشرف غنی خلقیدن کیچیریم سوره دی.

اشرف غنی تیوتر آرقه لی ترقتگن پیامیده شولرگه اورین بیردی:

"کابلدن چیقیب کیتیش حیاتیمده گی اینگ قیین قرار ایدی" دیب افاده ایتیب متاثر ایکن لیگینی بیلدیردی.

غنی، شهرده 1990 ییلی یوز بیرگن ایچکی اوروش نینگ قیته دن یوز بیرمسلیگی اوچون اولکه نی ترک ایتیب کیتگن لیگینی معلوم قیلیب افغانستان خلقیدن کیچیریم سوره دی.

غنی خلقینی ترک ایتیش نی اویله مه گن لیگینی بیراق اولکه نی ترک ایتیشدن ایریم چاره سی قالمه گن لیگینی قید ایتدی.

اولکه نی 15 آستده ترک ایتیب قاچقیب کیتگن لیگی اوچون افغانستانلیک سیاستچیلرنینگ عیبلشی گه دوچ قالگن 72 یاشده گی غنی یقین پیتده "کیتیشی گه سبب بولگن حادثه لرنی" بیرته بیرته بیان ایته جگینی افاده ایتدی.

امریکا قوشمه ایالتلری بیلن طالبان اورته سیده 2020 ییلی فبروری آییده بولیب اوتگن تینچلیک کیلیشووی دایره سیده جاری ییلده خلق ارا کوچلرنینگ افغانستان نی ترک ایتیب چیقیش جریانی باشله گندی.

بو کیلیشوو خارجی کوچلرگه هجوم اویوشتیرمسلیکدن عبارت ایکن طالبان افغانستان خوفسیزلیک کوچلری قره ته هجوملر بیلن تیگیشلی ماده کیریتمه دی.

افغانستان حکومتی بیلن دوحه ده گی مذاکره لریگه دوام ایتیب تورگن طالبان عین دمده جون آییدن بیری قتّیق شکلده هجوملرگه دوام ایتیب سرعتلی شکلده افغانستان نینگ انچه شهر، تومن و قصبه لرینی قولگه کیریتیش گه باشله دی.

پایتخت کابل و اطرافینی اوگیریب آلگن طالبان 15 آگست کونی جمهور باشلیغی اشرف غنی نینگ اولکه نی ترک ایتیب قاچیشیب کیتیشی بیلن شهرنی توقنه شوو یوز بیرمه ی کنترولینی قولگه کیریتیب آلدی.