افغانستانده تینچلیک اورنه تیلیشی اوچون مذاکره لرنینگ تیزلشتیریلیشی توغریسیده کیلیشیب آلیندی
طالبان گروهی بیلن افغانستان هیئاتلری دوحه ده گی جلسه نینگ آرتیدن موضوع بوییچه بیانات بیردی
افغانستانده اوزاق ییللردن بیری دوام ایتیب کیلگن اوروشنی اداغگه ییتکیزیش مقصدی بیلن قطرنینگ پایتختی دوحه ده اوچره شوو اوتکزگن طالبان گروهی بیلن افغانستان حکومتی هیئاتلری عادل بیر ییچیم اوچون مذاکره لرنی تیزلشتیریش و ینگی بیر جلسه توغریسیده کیلیشیب آلدی.
قطرده گی الجزیره تلویزیونیده اورین آلگن خبرده دوحه نینگ میزبانلیگیده اویوشتیریلگن ینگی مذاکره لرنینگ ایککینچی و سونگگی کونیده هیئاتلرنینگ مشترک یازمه بیات بیرگن لیگی بیلدیریلدی.
بیاناتگه کوره طالبان گروهی بیلن افغانستان حکومتی هیئاتلری عادل بیر ییچیم اوچون مذاکره لرنی تیزلشتیریش و ینگی بیر جلسه توغریسیده کیلیشیب آلگن.
عین دمده "افغانستانلیکلرنینگ منفعتلرینی اوز ایچی گه آلگن اسلام اولکه لریگه ماس بیر کیلیشووگه قول قوییلیشی کیره ک لیگی" توغریسیده کیلیشیب آلگن.
بیر توافق بولگینچگه قدر مذاکره لرنینگ یوقاری سویه ده دوام ایتتیریلیشی توغریسیده تعهد قیلگن هیئاتلرنینگ قیته دن اوچره شیش و مذاکره لرنی تیزلشتیریش بویروغی بیرگن لیکلری تیلگه آلیندی.
تامانلرنینگ افغانستانده دایمی بیر تینچلیک که ییتیب باریلیشی اوچون کورستگن اورونیشلری باعث قطر قاله ویرسه قوشنی و منطقه اولکه لری بیلن بیر قطارده خلق ارا همجمعیت گه "تینچلیک جریانیده گی مناسبتلری" اوچون منتدارچیلیک بیلدیرگن لیکلری معلوم قیلیندی.
افغانستانده اوزاق ییللردن بیری دوام ایتیب تورگن اوروشنی اداغگه ییتکیزیب باریش مقصدی بیلن اوتگن ییل باشلب جاری ییل نینگ فبروری آییده توخته لیب قالگن افغانستانلیکلر ارا مذاکره لر قطرنینگ پایتختی دوحه ده 17 جولایده قیته دن باشله گندی.
علاقه لی ینگی لیکلر
امیرخان متقی قوشنی 3 اولکه نینگ ترور تشکیلاتی داعش نی قوللب – قوتله گن لیگینی ادعا ایتدی
متقی پایتخت کابل ده گی بیر کورگزمه ده سوزگه چیقیب بیانات بیردی
