عبدالله عبدالله سیاسیلرنی بیرگه لیکده حرکت ایتیش گه چقیردی

افغانستان ملی یره شوو عالی کینگش باشلیغی عبدالله عبدالله اولکه نینگ بقاسی نینگ خطرده ایکن لیگینی و سیاسیلرنینگ بیرگه لیکده حرکت ایتیشی کیره ک لیگینی ایتدی.

عبدالله عبدالله پایتخت کابل ده ملی یره شوو عالی کینگش ییتکچیلیک کمیته سی جلسه سیده قیلگن صحبتده خارجی کوچلرنینگ اولکه نی ترک ایتیب چیقیشی بیلن خشونت حادثه لری نینگ کوپه یگن لیگینی بیلدیردی.

عبداالله

"اولکه  نینگ بقاسی نینگ خطرده و سیاسیلر بیرگه لیکده حرکت ایتیشی کیره ک" دیدی.

طالبان نینگ مذاکره اورنیده اوروشنی کوپه یتیرگن لیگی گه اشاره قیلیب انسانلرنینگ تینچلیک نیتی بوییچه بوندن آلدین هم شبهه قیلگن لیگینی و بو شبهه نینگ خشونت نینگ تاباره آرتیب باریشی بیلن کوپه یگن لیگینی تیلگه آلدی.

تینچلیک فعالیتلری نینگ بیر تامانلمه بولگن تقدیرده نتیجه گه ییتیب بارمسلیگینی قید ایتگن عبدالله جنابلری شولرنی ایتدی:

"ایککی تامان هم تینچ لیک که بولگن اراده سینی اورته گه قوییشی کیره ک. بیزنینگ مذاکره هیئاتیمیز شو وقت قطرنینگ پایتختی دوحه ده دیر. مقصدیمیز مسئله لرگه مذاکره آرقه لی ییچیم تاپیش دیر" دیب گپیردی.

افغانستانده تینچلیک جریانی ناانیق بولیب دوام ایترکن هجوملر هم دوام ایتماقده.

سونگگی 2 آیده ایسه اولکه مقیاسیده طالبان نینگ کنترولی گه اوتگن تومن سانی 45 گه آشدی.

بیرلشگن ملتلر تشکیلاتی نینگ راپوریگه کوره طالبان شهر مرکزلری خارج اولکه توپراقلری نینگ 50 الی 70 فایزینی قولگه توتیب تورگن.