مزار شریف ده امریکالیک عسکرلرگه قره ته هجوم اویوشتیریلدی

افغانستان نینگ بلخ ولایتیده بیر افغانستان لیک عسکر، ناتو چوکاتیده خدمت قیلگن امریکالیک عسکرلرگه قورال بیلن هجوم قیلگن.

هجومده 4 عسکر یره ‌لنگن.

افغانستان 209- قول اردو قومندانلیگی سوزلاوچیسی عبدالقهار آرام معلوم قیلیشیچه، مزار شریف نینگ دهدا‌دي حدودیده خدمت قیلگن بیر عسکر حربي تعلیم پیتیده تعلیم بیره ‌یاتگن امریکالیک عسکرلرگه قره ‌ته‌‌ فیر قیلگن.

اونینگ ایتیشیچه، قوراللی هجوم عاقبتیده 4 نفر امریکالیک عسکر یره‌ لنگن.

افغانستانده‌ گی امریکا قوشینیدن قیلینگن رسمي بیاناتگه کوره‌، واقعه‌ بیلن تیگیشلی تیرگاو آلیب باریلماقده.

تخمیناً 2 آی آلدین هم افغانستان اوردوسی نینگ 209- شاهین قول اردوسیگه تروریستلر تامانیدن اویوشتیریلگن هجومده 140 عسکر هلاک بولگندی.

آخرگی پیتلرده افغانستان اوردوسی دایره سیده امریکالیک عسکرلرگه قره ‌تیلگن هجوملر اوج آلگنی کوزه‌ تیلماقده.

بیر هفته‌ ایچیده مملکت شرقیده‌گی ننگرهار ولایتیده 3 نفر امریکا عسکری بیر افغان عسکر تامانیدن آتیب اولدیریلگن ایدی.