اسکات میلر: افغانستانده ایچکی اوروش یوز بیریشی ممکن

افغانستانده گی ناتو و امریکا قوشمه ایالتلری کوچلری نینگ قومندانی جنرال اسکات میلر چیت ایللیک حربیلرنینگ اولکه نی ترک ایتیب چیقیشی بیلن افغانستانده ایچکی اوروش یوز بیریشی بوییچه آگاهلنتیردی.

جنرال میلر پایتخت کابلده جایلشگن قرارگاهده ژورنالیستلرنینگ سواللریگه جواب قیتردی.

طالبان نینگ کنترول آستیگه آلگن توپراقلرنی کینگه یتیریب بارگن لیگی گه دقت قره تگن میلر شولرنی ایتدی.

"خوفسیزلیک وضعیتی شو وقت قانیقرلی ایمس. خوددی شو وضعیت دوام ایتگنده ایچکی اوروش نینگ باشلشینی کوریشیمیز ممکن" دیب افاده ایتدی.

میلر افغانستانده گی اوروش نینگ البته سیاسی ییچیم آرقه لی اداغگه ییتیب باریشینی اورغوله دی.

میلر 2001 ده گی اشغالدن بوگون گه قدر امریکا قوشمه ایالتلری افغانستانده ناموفق بولدی می؟ دیگن سوالگه شو شکلده جواب بیردی.

"امریکا قوشمه ایالتلری نینگ میراثینی کیلجک تعیین قیله دی. بو حکایه نینگ دوامینی بیزگه کیلجک کورسته دی" دبی جواب بیردی.

امریکا قوشمه ایالتلری دولت باشلیغی جو بایدن 1 می تاریخیدن اعتباراً 11 سپتامبرگچه افغانستان نی بوتونله ی ترک ایتیب چیقیشلریدن خبر بیرگندی.