تنیقلی قیرغیز یازوچی چنگیز آیتماتوف نینگ عیالی کرونا ویروسدن وفات ایتدی

تنیقلی قیرغیز یازوچی چنگیز آیتماتوف نینگ 79 یاشلی عیالی ماریا آیتماتوه کسلخانه ده کرونا ویروسدن وفات ایتدی. 

آیتماتوه نینگ کیلینی صابره آیتماتوه, اجتماعی ترماق آرقه لی بیرگن بیاناتیده ماریا آیتماتوه نینگ پایتخت بیشکیکده بیر کسلخانه ده وفات ایتگن لیگی نی بیلدیردی. 

صابره آیتماتوه, "آنه م جوده نازک طبیعت و عالمه بیر عیال ایدی.  عایله میز اوچون تلافی سی ممکن بولمه گن بیر یوقاتیش" دییه قید ایتدی. 

قیرغیزستان جمهوررئیسی صدر جباروف هم, بیر پیام ترقه تیب ماریا آیتماتوه نینگ وفاتی سببلی قیغوداشلیک بیلدیردی. 

اثر لری 157 تیلگه اوگیریلگن چنگیز آیتماتوف, میلادی 2008- ییل 10- جون کونی تداوی اوچون بارگن آلمانده بیر کسلخانه ده وفات ایتگن ایدی.