هایدرولیک انرژی نیمه اوچون مهم؟

تورکیه میلادی 2023- ییلده برق نینگ 36,3 فایزی نی کومیردن, 21,4 فایزی نی طبیعی گاز دن, 10,4 فایزی نی شمالدن, 5,7 فایزی نی قویاشدن, 3,4 فایزی نی جیوترمال انرژی دن,  19,6 فایزی نی هایدرولیک انرژی و قالگن قسمی نی ایسه باشقه منبع لردن فایده له نیب تولید ایتدی. 

تورکیه توپلم برق کوچی نینگ اوچدن بیر قسمی نی, 32 مینگ 400 میگاوات بیلن هایدروالکتریک سنترال لردن تامین ایتماقده. 

ملی و تازه بیر برق تولید میتودی دن عبارت بولگن هایدروالکتریک سنتراللر, انرژی تولید پروسه سیده هیچ قنده ی بیر قالدیق و کاربن ترقه لیشی گه سبب بولمه یدی و اوشبو اولکه نینگ برق ضرورتی نینگ تامین ایتیلیشی گه کتته حصه قوشه دی. 

میلادی 2002- ییلدن بیری آره سیده یوسف ایلی, ایلیسوو, دیرین ار و ارمه نک بندی و هایدروالکتریک سنترالی کبی جهان بویلب مهم پروژه لرنینگ اورین آلگن 650 گه یقین هایدروالکتریک سنترال دن فایده له نیله باشلندی. 

میلادی 2000- ییلده 45 میلیارد کیلوات ساعت بولگن ییللیق هایدروالکتریک تولید ظرفیتی تقریباً 120 میلیارد کیلوات ساعت گه ییتدی. 

شونده ی قیلیب تورکیه ده هر اوچ گروپ دن بیری هایدروالکتریک سنترال لرده تولید ایتیلگن انرژی بیلن آیدینله نه باشله دی.

هایدروالکتریک سنترال لردن کینگ فایده له نیشده گی هدف, منبع لردن اینگ یخشی بیر شکلده استفاده ایتیش و "انرژی بوییچه تورکیه نینگ باشقه لر گه محتاج بولمس لیگی" دن عبارت. 

یوسف ایلی بندی و هایدروالکتریک سنترالی, 275 مترلیک یوکسک لیگی بیلن تورکیه نینگ اینگ یوکسک, دنیا نینگ ایسه اوز کتگوریسیده 5- اینگ یوقاری بندی عنوانی گه ایگه.  اوشبو پروژه, ییللیق اورته چه 1,9 میلیارد کیلوات ساعت برق تولیدی ظرفیتی بیلن تورکیه نینگ آنتالیا شهری کتته لیگیده بیر شهر نینگ نفوسی گه تینگ 2,5 میلیون کیشی نینگ برق ضرورتی نی تامین ایته آله دی.

ایلیسوو بندی و هایدروالکتریک سنترالی هم اتاتورک, قاره قایه و کبان بند لری آرتیدن تورکیه نینگ اینگ کتته 4- سنترالی دن عبارت.  ایلیسوو, آلیشی ممکن بولگن سوو حجمی جهتی دن ایسه تورکیه نینگ اینگ کتته 2- بندی خصوصیتی گه ایگه. 

تهداب دن 135 متر یوکسک لیک و 24 میلیون متر مکعب سوو حجمی گه ایگه ایلیسوو بندی گوده اوزونلیگی و کانکریتی سطح جهتی دن ایسه دنیا ده گی اینگ کتته پروژه دن عبارت. 

میلادی 2020- ییل 19- می کونی دستلبکی تولید فعالیتی نی عملگه آشیرگن, 2020- ییل 23- دسامبر کونی بوتونله ی تولیدات گه باشله گن اوشبو مرکز, حاضرگی کون گه قدر 8 میلیارد کیلوات ساعت برق تولیدی بیلن اولکه اقتصادی گه تقریباً 23 میلیارد لیره حصه قوشدی. 

دیرین ار بندی و هایدروالکتریک سنترالی ایسه 249 متر یوکسک لیگی بیلن یوسف ایلی دن کیین تورکیه نینگ اینگ یوکسک 2- بندی دن عبارت ایکن, ییللیق اورته چه 2 میلیارد 118 میلیون کیلوات ساعت برق تولید ایتیش قابلیتی گه ایگه. 

خلق ارا هایدروالکتریک انرژی کوچی بوییچه تورکیه 32 جیگاوات بیلن دنیا ده 9- و اروپا ده 2- اورین نی ایگللرایکن, چین 415 مینگ میگاوات بیلن بیرینچی, برازیل 110 مینگ میگاوات بیلن ایکّینچی و امریکا قوشمه ایالتلری 102 مینگ میگاوات بیلن اوچینچی اورین نی ایگلله ماقده. 

تورکیه نینگ بند لر بوییچه سرمایه گذارلیک لری, برق تولیدی جهتی دن کتته اهمیت گه ایگه.  لیکن بند لرنینگ قوریلیشی گه فقط گینه اوشبو جهت دن اهمیت بیریلمه یدی. 

تورکیه سوو مقداری جهتی دن قیین چیلیککه دوچ کیلیب قالگن اولکه لردن بیرینی تشکیل ایتماقده.  موجود معلومات لر گه کوره, حاضرگی کونده هر کیشی نینگ استفاده ایتیشی ممکن بولگن سوو مقداری 1519 متر مکعب ایکن, اوشبو رقم نینگ میلادی 2030- ییل گه کیلیب نفوس نینگ 100 میلیون گه کوتریلیشی بیلن 1100 متر مکعب گه توشیشی کوتیلماقده.  خوددی شوو وضعیت نینگ اوزی ایسه تورکیه نی سوو جهتی دن قشاق بیر اولکه گه ایلنتیریب قویه دی. 

شوباعث, سوو دن یخشی بیر شکلده فایده له نیش اوچون ینه مهم بیر پروژه آلیب بارماقده.