تورکیه گه خاص بیر پیشلاق حقیده قیسقه معلومات

تورکیه نینگ قاره دینگیز قیرغاغیده گی ساکاریا ولایتی گه عصر لر آلدین کیلگن قفقازلیک ابخاز خلقی دن اوز آتی نی آلگن "ابخاز پیشلاغی" ساکاریا تجارت و صنایع اتاق لری نینگ طلبی گه بناً میلادی 2021- ییلده تورکیه نینگ ثبت قیلینگن جغرافی محصولاتی لیستی گه کیریتیلدی.  اوشبو پیشلاق نینگ رنگی سریغ بولیب و عموماً اورگی شکلیده بوله دی.  خوددی شوو پیشلاق نی باشقه پنیر لر دن اجره تیب توره دیگن اینگ مهم خصوصیت, قینه تیلگن سوت گه 40 سانتی گراد گه قدر ییتیشیشی آرتیدن آزگینه بیر مقدار قتیق قوشیمچه قیلینیشی و کیین معلوم بیر مدت ساوتیلیشی کیتیدن طبیعی پیشلاق مایه سی نینگ علاوه ایتیلیشی دن عبارت.  مایه له نیش اوچون 1,5 ساعت کوتتریلیشی آرتیدن پیچاق بیلن کیسیله دی.  کیسیلگن بولیم لر قول میکسری بیلن آهسته بیر شکلده پارچه له نه دی. معلوم بیر مدت سووی سیزغیریلگن مواد, 30 دقیقه دوامیده ایسسیق قیلینگن پنیر آستی سووی بیلن قینه تیله دی.  کیین اویغون بیر قالب آلینیب قالب نینگ اوستی تازه بیر تکه بیلن اوره له دی.  قالب نینگ ایچی گه ایسسیق پیشلاق پارچه لری قوییله دی و ینه سووی نینگ سیزغیریلیشی اوچون اوستی باستیریله دی.  کیین ایدیش دن چیقاریلگن پیشلاق انسان قولی نینگ ایچی قدر کتته لیکده پارچه لر گه اجره تیله دی.  پارچه لنگن پنیر ینه بیر ساعت قینه تیله دی.  پیشلاق ساوتیلیشی آرتیدن توزله نیب یاغلیق کاغذ گه اوره له دی. شونده قیلیب مرتبان لر گه قوییلیب مرتبان نینگ آغزی بیرکیتیله دی.  ابخاز پیشلاغی پس حرارتده 2 آی کوتتریلیشی آرتیدن سریغ رنگ نی اوزی گه کسب ایتیب صرفله نیش گه تیار وضعیت گه کیله دی.