تیش ساغلیغی حقیده بیر یازوو

مین تیشلریم نی مسواک قیله من

اسلام علیکم قدرلی تینگلاوچیلر. بوگونگی برنامه ده ساغلیک که تیگیشلی کیچیک چاره – تدبیرلر بیزنی کتته خطرلردن قنداغ قوریقلشی حقیده گپیره میز. آغیز و تیش ساغلیغی نینگ حیاتیمیزده اهمیتینی اورته گه قوییش اوچون مین تیشلریم نی مسواق قیله من دییمیز.

وجودیمیزده هر بیری ایریم ایشلرنی بجرگن سیستملر بار. وظیفه لری فرقلی بولسه ده سیستملری بیر بیریدن اجره لمه یدی. بیر سیستم ده یوز بیرگن کمچیلیکلر ایریم سیستملرگه تاثیر قالدیره دی. مثال اوچون تحقیقلر، تیش ایتی کسللیکلری بیلن یوراک کسللیکلری آره سیده بیر علاقه بارلیگینی اورته گه قویگن دیر.

بوگونگی کوندن بیر عصر مقدم چوروگن تیش نینگ اولیم گه سبب بولگن کسللیکلردن قطاریده ایدی. طب و داری سکتوریده گی آلغه باریشلر بیلن بو معما برطرف بولگن بولسه ده آغیز و تیش گه قره ش ساغلیک بیلن علاقه سی بولگن موضوع دیر. آغیزگه یوز بیرگن التهاب و تیش ایتی کسللیگی نینگ وجودگه عمومی بیر التهاب گه سبب بولگن لیگی لنیقلنگن.  کرونیک التهابلنیش ایسه یوراک کسللیگی، دیابت و ایریم نرسه لرگه سبب بولگن لیگی ایتیلماقده.

ایریم کسللیکلردن قوریقلنیش اوچون آغیز و تیش ساغلیغی گه دقت قیلیش کیره ک. کونده لیک کمیده ایککی مرته تیشلریمیزنی مسواک قیلیشیمیز شرط. مسواک قیلیش تیش کیرلرینی و آغیزده گی باکتریلرنی تمیزلش اوچون جوده مه بیر آدیم دیر.

مسواک قیلیش تیش ایتلرینی تمیزله یدی و قان آقیشی گه یاردمچی بولیب تیش ایتینی ساغلیکلی قیله دی. تیشلریمیزنی مسواک قیلگنده تیش نینگ ایچیده گی اوقات قالدیقلری و باکتریلر یوقه لگن لیگی اوچون آغیز ایسی هم یوقه لیب کیته دی. عین حالده مسواک تیشده گی ضررلی اسیتلرنی تمیزلب تیش آغریغی گه توسیق بوله دی. تیش نی مسواک قیلیش قاله ویرسه شکرلی و اسیتلی ایچیله دیگنلردن اوزاق توریش هم تیش ساغلیغی اوچون جوده مهم بیر تدبیر ایتیب سنله دی. ییلده ایککی مرته تیش داکتریگه باریش آغریغی بولمه گن کسللیکلرگه قرشی چاره – تدبیر آلشیمیزگه سبب بوله دی.

نتیجه ده تیش نی تیز – تیز مسواک قیلیش فقط تیش ساغلیغی اوچون ایمس عین حالده برچه وجودیمیز بیلن تیگیشلی دیر. ساغلیکلی بولیش اوچون تیشلریمیزنی مسواک قیلیشیمیز شرط.