تورکیه گه خاص بیر کباب حقیده قیسقه معلومات

تورکیه نینگ اژه منطقه سیده گی آیدین ولایتی نینگ گرمنجیک تومنی گه باغلیق اورتاقلر علاقه دارلیگی, اورتاقلر کبابی دیب ناملنگن بیر کباب بیلن مشهور.  اوشبو کباب گرمنجیک بلدیه سی نینگ طلبی گه بناً میلادی 2020- ییلده تورکیه نینگ ثبت قیلینگن جغرافی محصولاتی لیستی گه کیریتیلدی.  منطقه نینگ مرکزی نقطه لریدن بیری بولگن اورتاق علاقه دارلیگی ده گی اوشبو کباب دستلب بحث موضوعی مسکونی نقطه نینگ اورته سیدن اوتگن تیمیر یولی نینگ تیگره گیده تیارله نیب ساتیلگن کیین ایسه موتر لرنینگ اوته دیگن یول چیککه لریده گی رستورانت لرده اینگ مهم طعام لردن بیری گه ایله نیب قالگن.  اوشبو کباب تقریباً 15 سانتی متر بوی و یریم سانتی متر ایسه اینی بولگن اوچ لری پیچاق بیلن یونتیلگن قمیش لر گه تیریلگن یاغسیز کیچیک تَنه (گوساله) گوشتی نینگ کومیرده پشیریلیشی بیلن تیارله نه دی.  مذکور کباب منقل گه قوییلمسدن آلدین قمیشلر نینگ اوچی گه کیچیک بیر پارچه قوی قویروق یاغی تقیله دی.  قمیش گه, گوشت و قویروق یاغیدن تشقری سبزه قوشیمچه قیلینمه یدی.  اوشبو کباب کیچیک گوشت پارچه لری دن تشکیل تاپگن لیگی اوچون تیز آولاوده سرعتلی بیر شکلده پشیریلیب مهمان لر گه تارتیق قیلینه دی.  خوددی شوو منقلده پشیریلگن پیاز, سریمساق و پامه دور دن تشقری اچچیق قیزیل مرچ و قاره مرچ کبی نرسه لرنی هم کباب بیلن بیرگه مهمان لر گه تقدیم قیلیش ممکن.