آنه تیل نی یخشی لب اورگه نیب آلیش نینگ فایده لری

بوگون  کونده لیک حیاتی میزده گی مناسبت لری میزده مرکب معما لرنینگ ییچیلیشیده کتته اهمیت گه ایگه بیر موضوع توغریسیده سوز یوریته میز.  یعنی تیلی میزدن جوده یخشی و موثر بیر شکلده فایده له نیش حقیده گپیره میز بوگون. 

تیل و توشینچه نینگ بیر بیر لری دن تاثیرله نیشی, مدنیت, ادراک و شخص گه عاید فکتور لر گه باغلیق بیر صورتده شکلله نه دی.  تیل نینگ تویغو و توشینچه لرنی بیان ایتیشده فقط گینه بیر واسطه رولی گه ایگه ایکن لیگینی بیلدیریاتگن فکر لر, اوز اورنی نی تیل نینگ مفکوره گه شکل بیره دیگن لیگی بوییچه فکر گه تاپشیره باشله گن وضعیتده.  بو مرکب موضوع توغریسیده سوز یوریتمسدن آلدین, فقط گینه لودویگ ویتگنشتاین نینگ "تیلیم نینگ چیگره لری دنیانیم نینگ چیگره لری دیر" دیگن سوزینی ایسلش نینگ اوزی هم تیل نینگ دنیا ده گی موجودیتی میز نی انیقله گن لیگی نی کورسه تیش اوچون کفایت قیلماقده. 

تیل دن اویغون بیر شکلده فایده له نیش ایجابی مناسبت قوریش قابلیتی میز نی کوچه یتیره دی.  ایش, مکتب و حتی عایله حیاتی میزده یوز بیرگن کیلیشمووچیلیک لر کوپینچه تیلدن ناتوغری بیر شکلده فایده له نیشدن کیلیب چیقماقده.  اوشبو وضعیت نینگ اوزی ایسه موفقیتسیزلیک و خرسندسیزلیک کبی کوپلب یمان نرسه لر گه سبب بوله دی.  آنه تیلی میز نینگ گوزه لیک لری و سوز بای لیگی اوز توشینچه میز نی بیان قیلیش و همده قرشی تامان نینگ توغری درک ایتیشی اوچون بیلیشی میز کیره ک بولگن اساسی عنصرلردن عبارت. 

آنه تیلی میز نی یخشی بیلیب آلیشی میز, اوز مدنیتی میز نی توشینیب آلیش و اونی توشینتیریب بیریش قابلیتی میز نی کوچه یتیره دی.  اوشبو وضعیت نینگ اوزی ایسه مدنی جهت دن بای بیر شکلده یشه شی میز اوچون فایده لی بوله دی.  عینی دمده آنه تیلی میز نی یخشی بیلیب آلیشی میز تقدیرده, خارجی بیر تیل نی قولای اورگه نیب آلگن بوله میز.  گرامر قاعده لری نی بیلیش و کلمه حقیده معلومات ایگه سی بولیش ینگی بیر تیل نینگ اورگه نیشیده امکانیت تامین ایتیب بیره دی.  شونده ی قیلیب انسان لر دنیا نی فرقلی تیل لر آرقه لی تانیش امکانیتی گه ایگه بوله دی. 

آنه تیل نی یخشی بیلیش نینگ ایشلرده یوتوقلی بولیش بوییچه فایده لی ایکن لیگی نی کورستگن کوپلب تدقیقات لر عملگه آشیریلگن.  تدقیقات نتیجه لری, تیل نینگ مرکب ساختاری نی اورگه نیب آلگن کیشی لرنینگ کونده لیک و مسلکی حیات لریده ینه ده کوپراق یوتوقلی ایکن لیگینی کورستماقده.  عینی دمده تیل استعداد لری ذهن ساغلیغی گه هم ایجابی تاثیر قالدیرماقده.  تیل نینگ توشینچه پروسه لرینی تنظیم قیلگن لیگی باعث تیل نی جوده یخشی بیلگن کیشی لرنینگ آلزایمر کبی کسللیک لر گه چلینمس لیک بوییچه افضل لیک لر گه ایگه ایکن لیگی فکری ینه قیلینگن تدقیقات لر نتیجه سی بیلن حمایه لنماقده. 

بو قابلیت نی کسب ایتیش اوچون مکتب ده آلینگن تعلیم بیلن بیر قطارده, کتاب, روزنامه و مجله اوقیش, تیاتر گه باریش و مطلق صورتده دیکشنری لردن فایده له نیش کیره ک ایکن لیگینی ایسله تیب اوتماقچی میز.  کیلینگ تیلی میزدن یخشی بیر شکلده فایده له نیب توشینچه دنیا میز نینگ چیگره لرینی کینگه یتیره یلیک.