عراق ده ییر عملیاتی اوتکزیلیشی حقیده بیر یازوو
تحلیل و تیکشیروو
عراق ده ییر عملیاتی اوتکزیلیشی حقیده بیر یازوو
سونگگی پیتلرده تورک سیاسی قرار آلووچیلری تیز – تیز عراققه سفر اویوشتیریب تیگیشلی کسبداشلری بیلن اوچره شوولر اوتکزر ایکن جمهور باشلیغی ایردوغان هم مهم بیانات بیریب بهار و یاز فصللریده تورکیه نینگ عراق ده شو پیتلرده دوام ایتیب تورگن حربی عملیاتلرینی کینگه یتیره جگینی و چیگره خطلرینی بوتونله ی امنیت آستیگه آله جگینی بیلدیردی. اوشبو ینگیلیکلر و منطقه ده گی حربی حرکتلیلیک تورکیه نینگ عراق ده ینگی حربی عملیاتلر باشله تیشینی کورسته دی.
تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایته میز.
تورکیه اوزاق ییللر ترور تشکیلاتی پ ک ک گه قرشی کوره ش اوچون عراق نینگ شمالیده حربی عملیاتلر اویوشتیرماقده. اینیقسه 2016 ییلیدن کیین تورکیه اوپراسیونی اوزگریش کیلتیریب منطقه ده جدی روشده حربی مرکز جایلشتیریش گه باشله دی. قرارلیلیک عملیاتلری ایتیب اته گن جریان بیلن حاکورکدن زپ گچه ییره ب بارگن تاغ سلسله لریده ساحه حاکمیتی ایجاد ایتووچی عملیاتلر اویوشتیریش گه باشله دی. پنجه – قاپان و قفل عملیاتلری بیلن هم موجودیتینی مستحکملشتیرر ایکن ستراتیژیک نقطه لرده حربی مرکزلر ایجاد ایتدی. تورکیه نینگ بو جایده گی اساسی مقصدی ترور تشکیلاتی پ ک ک جایلشگن، تعلیم فعالیتلری آلیب بارگن، قومنده کنترولی اوچون ایش آلگن ساحه لرنی ضعیفلشتیریش، ترور تشکیلاتی نینگ حرکت ساحه سینی تاره یتیریش و قومنده کنترول سیستمینی یوقه تیب تشلش ایدی. ینه چیگره خطلریده امنیتلی بیر ساحه ایجاد ایتیب تورکیه گه اوتیشلرگه هم توسیق بولماقچی ایدی. تورکیه نینگ بو جریانده بویوک اولچکده یوتوقلی بولگن لیگینی کورسک ده حرکات ساحه سینی کینگه یتیریلیشی و زپ نینگ قالگن منطقه لری، غارا و حارکوک نی بوتونله ی تمیزلنیشی مقصد قیلیب آلینماقده. ترور تشکیلاتی بو منطقه لرده حلی هم بار و اینیقسه سیغینگن مغاره لردن چیقیب ترورچیلیک هجوملریگه قول اوریشی ممکن. تورکیه چیگره خطیده بوتونله ی بیر خوفسیز منطقه ایجاد ایتیش اوچون حرکات ساحه لرینی کینگه یتیریش گه مجبور. شونده ی بولیب ینه ترور تشکیلاتی نینگ عراق نینگ ایچیده سینجار، محمور، قندیل و اسوس کبی منطقه لرده بار.
تورکیه سونگگی باسقیچده دیپلوماتیک بیر حمله قیلیب عراقلیک مخاطبلرینی یقین تعقیب آستیگه آلگن وضعیتده. انقره بیلن بغداد آره سیده پ ک ک گه قرشی کوره ش توغریسیده بیر مشترک یانداشوو و بیرلیک ایجاد ایتیلماقچی. سونگگی پیتلرده بو توغریده بعضی بیر اولیملی ینگیلیکلر بار کبی کوریله دی. تورکیه و عراقلیک عسکری هیئاتلر تیز – تیز اوچره شیب تیگیشلی علاقه و کوره ش گه تیگیشلی ملاقاتلر قیلماقده لر. شونده ی بولیب تورکیه نینگ بهار و یاز آیلریده بویوک ینگی حربی عملیاتلر باشلتگنیده عراق اردوسی نینگ هم تورلی حمله لر قیلیشی ممکن. عین حالده عراق کرد منطقوی باشقرووی نینگ اینیقسه ک د پ بیلن بیر برابرلیگی بولیشی ممکن. ک د پ نینگ تورکیه گه لوجستیک و استخبارات بوییچه همکارلیگی بار. تورکیه بو قوللب – قوتلش نینگ کوپه یتیریب حربی عملیاتلر توغریسیده هم پشمرگ نینگ تورکیه قوراللی کوچلری بیلن بیرگه لیکده حرکت ایتیشینی آرزو قیله دی. نتیجه ده ترور تشکیلاتی پ ک ک هم انقره همده بغداد و اربیل اوچون بیر تهدید منبعی دیر. تورکیه بیلن بیرگه لیکده حرکت قیلیش عراق و خودمختار باشقروونینگ هم منفعتیده بوله دی. عکسی حالده تورکیه اوزی قرارلی بیر شکلده ترورچیلیک که قرشی کوره ش آلیب باررکن، عراق ده ملی خوفسیزلیک نامیدن مشروع مدافعه حقلریدن ایش آلیب کیره کلی ییر عملیاتلریگه دوام ایته دی.
تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایتدیک.
