تورکیه پطرول بوییچه مقصد نی کینگه یتیرماقده

تورکیه سونگّی ییللرده, هسته ای و ینگی له نه آله دیگن انرژی, طبیعی گاز و پطرول کبی کوپلب ساحه لر بوییچه کتته پروژه لر آلیب بارماقده. 

تورکیه ده دستلب میلادی 1940- ییلده باتمان ولایتیده رامان قودوغی- 1 انرژی منبعی تاپیلدی.

سونگّی پیتلرده ایسه گابار داخل اینیقسه اولکه نینگ جنوبشرقی انادولو منطقه سیده کوپلب ینگی کشف لر عملگه آشیریلدی. 

حاضرگی کونده تورکیه ده 6 مینگ گه یقین پطرول قودوغی موجود.  اوشبو قودوق لردن تقریباً 2 مینگ 500 ته سیده پطرول تولیدی عملگه آشیریلماقده.  موجود معلومات لر گه کوره تورکیه نینگ 1,3 میلیارد تن پطرول ذخیره سی بار. 

معدن و پطرول ایشلری باشقرمه سی نینگ معلوماتیگه کوره, کونده لیک پطرول تولیدی میلادی 1999- ییلده تقریباً 59 مینگ بیرل ایکن, 2020- ییلده 64 مینگ, 2021- ییلده 69 مینگ و میلادی 2022- ییل نینگ سونگیده ده ایسه 80 مینگ بیرل گه ییتدی. 

تورکیه نینگ گابار تاغیده گی ذخیر لردن امیدی جوده کتته.  200 میلیون بیرل لیک پطرول ذخیره سی موجود ایکن لیگی اویلنگن پطرول نینگ ارزشی نینگ 13 میلیارد دالر گه یقین ایکن لیگی تخمین ایتیلماقده. 

اوشبو کشف بیلن, تورکیه نینگ تولید ایتیله آله دیگن ذخیره سی مقداری 450 میلیون بیرل دن 600 میلیون بیرل گه ییتدی.

تورکیه پطرول لری شرکتی, شهید آی بوکه یالچین ساحه سیده گی ینگی کشف نینگ توپلم جاییده گی پطرول ذخیره مقداری نی تقریباً 1 میلیارد بیرل, تولید ایتیله آله دیگن ذخیره نی ایسه 600 میلیون بیرل گه یقین اوله راق تخمین ایتماقده. 

تورکیه ینگی ساحه لر بیلن بیرگه پطرول تولید مقصدی نی کینگه یتیردی.  شونده ی قیلیب کونده لیک 100 مینگ بولگن هدف 200 مینگ بیرل گه کوپه یتیریلدی. 

قیدیریش ایش لری کونساین آرتیب باریاتگن شکلده توختاوسیز روشده دوام ایتماقده.  قیسقه بیر مدت مابینیده 14 ولایتده گی ینه 18 ساحه ده قیدیرو ایش لری باشله تیله دی. 

اوشبو ولایتلر غازی انتیپ, آنتالیا, چنق قلعه, شانلی اورفا, زونگولداق, دیاربکر, هککاری, بارتین, قاره بوک, کاستامونو, ایلازیغ, قهرمان ماراش و کیلیس دن عبارت. 

تاپیلگن اوشبو پطرول منبع لری نینگ انرژی بوییچه تشقری گه باغلی لیق و انرژی وارداتی نی هم آزه یتیره دیگن لیگی بیلدیریلماقده.  اوشبو وضعیت اینیقسه انرژی بوییچه مستقل بیر اولکه بولیش هدفی جهتی دن جوده هم کتته اهمیت گه ایگه. 

تورکیه ده فقط گینه قوریقلیکده ایمس, عینی دمده دینگیزده هم پطرول قیدیریش ایش لری دوام ایتماقده. 

اوشبو دایره ده, سونگّی ییللرده 4 برمه کارلیک و 2 سیسمیک تدقیقات کیمه سی ایش گه باشله دی.  برمه کارلیک کیمه لری دن فاتح, یاووز و قانونی کیمه لری قاره دینگیزده, عبدالحمید خان ایسه بویوک مقیاسده مدیترانه ده سیسمیک تدقیقات دایره سیده برمه کارلیک ایش لری آلیب بارماقده. 

جاری ییلده شمالی قبرس تورک جمهوریتی نینگ قوریقلیک و دینگیز رخصت ساحه لری داخل هایدروکاربن قیدیریش و برمه کارلیک ایش لری جدللشتیریله دی.  قوریقلیک و دینگیز ساحه لریده توپلم 250 قودوقده برمه کارلیک ایش لری نینگ آلیب باریلیشی ریجه لنماقده. 

حاضرگی کونده تورکیه اینگ کوپ انرژی ساحه سی بوییچه مصرف قیلماقده...

اوتگن ییلده 2 میلیون 965 مینگ 664 تن خام پطرول وارد قیلیندی.  بو ایسه تورکیه نینگ بودیجه بوییچه موازنه سی گه تاثیر قالدیرماقده. 

پطرول تولیدی نینگ آرتیب کیتیشی بیلن بیرگه, تورکیه نینگ دستلب پطرول ضرورتی نینگ 20 فایزی نینگ اوشبو اولکه نینگ اوزیده گی منبع لردن تامین ایتیلیشی کوتیلماقده.  شونده ی قیلیب اوشبو وضعیت نینگ تورکیه نینگ بودیجه کسری نینگ توشیب کیتیشی گه سبب بولیشی نینگ ممکن ایکن لیگی بیلدیریلماقده.