بیر پلاستیک توری کائوچوک حقیده بیر یازوو

بیر پلاستیک توری کائوچوک حقیده بیر یازوو

موتر تیوپ - تیری جوده مهم دیر. کوچه و بازارلرده میلیونلب موتر بار و اوز فصلی مناسب تیوپ - تیر بولمه گن تقدیرده حادثه یوز بیریش احتمالی کوپ بوله دی. اینیقسه قتّیق ساووق و قار یاغگن پیتلرده یولگه چیققنده جوده قیین بوله دی. موتر تیوپ - تیری نینگ خام ماده سی پلاستیک نینگ اختراعی بوندن 300 ییل مقدم دیر. میلادی 1745 ییلی فرانسه لیک اختراعچی لا کاندامین جنوبی امریکاده 10 ییل سورگن اختراع سیاحتینی یکونلب پایتخت پاریس گه قیتیب کیله دی. بو سیاحتدن مقصد جهان نصف النهاری نینگ درجه سینی اولچش ایدی. بیراق لا کاندامین هیچ کیم کوتمه گن طبیعی بیر محصول بیلن فرانسه گه قیتیب کیلگندی. اختراعچی پرودن آلیب کیلتیرگن و اکادیمی عالمی گه تقدیم ایتگن بو محصول پرولیک بومیلر تامانیدن بیر یاغاچ سوویدن قولگه کیریتیلگن یوموشق بیر نرسه دن عبارت ایدی. یاغاچ نینگ پوچاغی یاریلگنده سووی آقیب باشله یدی و بو سوو قتّیقلشگنده یوموشاق بوله دی و بونینگ آتی ایسه کائوچوک دیب اتلماقده ایدی.  

لا کاندامین پرو بومیلری نینگ هم سینمه یه دیگن، سوو اوتکزمه یدیگن بو نرسه دن تورلی نرسه ایشلب چیقرگنینی کوریب فرانسه گه رواجلنتیریش اوچون اورونگن دیر. لا کاندامین اکادیمیک ساحه سیگه قرمه قرشی نرسه کیریتدی و بیلیمدانلر لا کاندامین گح حرمتسیزلیکلر قیلدیلر و بو اختراعینی ایشگه یره مس نرسه دیب اته دیلر. اوزاق ییللر بها بیریلمه گن کائوچوک نینگ قدری 1770 ییلی کوریلدی و ایلک مرته اوقیووچیلر مکتبلرده اوچیرغیچ ایتیب ایش آلیش گه باشله دی. کائوچوک نینگ یاقمه یشی نینگ سببی بار ایدی. امریکا قاره سیدن اروپاگه کیلتیریلگن بو قیزیق نرسه اولاً مایه لنر ایکن خاصیتینی قولدن بیرر ایدی. عیندمده جوده ساسیق ایس بیرردی. خوددی شو پیتده کیمیا بیلیمدانلری نینگ علاقه کورستیش گه باشله دی. میلادی 1823 ییلی اسکاتلندلیک کیمیا بیلیمدانی چارلز مکینتاش کائوچوک نی نفت نینگ ایچیده ایریتگندن کیین لته لرنی بو قوشیلگن موادنی ایچی گه باتیریب سوو اوتکزمه یدیگن وضعیت گه کیلتیردی. بیراق کائوچوک بو حالتده هم یمان ایس بیرردی. کائوچوک نینگ بوگونگی کونده نفت – کیمیا سکتوری اوچون اهمیتلی قیلگن ایسه قیزیق بیر تصادف نرسه دیر

میلادی 1800 ییلی امریکا قوشمه ایالتلریده توغیلگن آماتور تحقیقچی چارلز گودیر کائوچوک نی تورلی کیمیاوی نرسه بیلن قوشه دی بیراق خواهله گن نتیجه نی قولگه کیریتیش گه موفق بولمه یدی. بیراق بیر کون آلتین گوگرد بیلن بیر مقدار کائوچوک نی قوشیب اره لشتیره دی و اونی بخاری نینگ یانیده اونوتیب کیته دی ایرته لب تورگنده کائوچوک نینگ قوریگن حالده یوموشاقلیگینی قولدن بیرمه گنینی کوره دی. گودیر آلتین گوگرد قوشیلگن کائوچوک نی تصادفاً ایسّیتیب "ولقانیزاسیون" دیب اتلگن بیرنرسه یعنی پلاستیک نی یوزه گه چیقریش گه موفق بوله دی.

کائوچوک نینگ پلاستیک که ایلنیشی هم ایش آلیش ساحه سی گه اوزگریش کیلتیردی همده میلیاردلب دالرلیک بیر سکتورنینگ یوزه گه چیقیشی گه سبب بولدی. باشده چارلز گودیرنینگ اختراعی گه هیچ کیم ایشانمه دی و اونی قولّه مه دی. چارلز گودیر بو اختراعی نینگ تصدیقنامه سینی 1844 ییلی آلگنده انگلیس بیلیمدان توماس هانکوک بیر ییلدن بیری ولکانیزاسیون آرقه لی پلاستیک ایشلب چیقریش گه باشله گندی. گودیر تورموش اورتاغی و باله سیگه مینگلب دالر قرض قوییب بیر هوتل نینگ اتاغیده کوزلرینی دنیادن یوموب کیتدی. انگلیس رقیبی هانکوک و عایله سی ایسه مینگلب موتر تیوپ – تیری ایشلب چیقردی و میلیونلب سترلین قازاندی.