یقین شرقده بویوک اوروش یوز بیریش احتمالی بار می؟
تحلیل و تیکشیروو
یقین شرقده بویوک اوروش یوز بیریش احتمالی بار می؟
عراق، سوریه و اردون اورته سیده ستراتیژیک بیر نقطه ده جایلشگن امریکا قوشمه ایالتلری حربی مرکزی تاور 22، کمیکازه درونلر آرقه لی نشان آلیب اوریلدی و کمیده 3 ته امریکالیک حربی اولدی، 35 حربی یره لندی. امریکا قوشمه ایالتلری قورقوو یراتگن بو هجوم گه قول اورگن عراق ده شیعه گروپلر ایجاد ایتگن بیر ساختار بولمیش اسلامی مقاومت ساختار کوریله دی. هجوم نینگ آرتیدن بایدن قنداغ بیر جواب بیریشی توغریسیده قینلماقده و یقین شرقده امریکا قوشمه ایالتلری – ایران و متفقلرینی اوز ایچیگه آلگن بویوک بیر اوروش یوز بیره دی می معلوم ایمس.
تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایته میز.
7 اکتوبرده اقصی طوفانی عملیاتی بیلن باشلب کیتگن توقنه شوولر آرتیدن اسرائیل نینگ غزه ده قول اورگن قیرغینی کبی حادثه لرنینگ منطقوی اوروش گه سبب بوله دی می دیگن خواطرگه ایلنگندی. بیراق ایران ده حزب الله و عراقلیک ایریم شیعه گروپلر توقنه شوولرنینگ کنتروللی دوام ایتیشی گه سبب بولدیلر. حتی وقت وقتی بیلن اسرائیل نینگ تحریکی حرکتلریگه قرشی "ستراتیژیک صبر بیلن" کنتروللی شکلده جواب بیریش نی تنله دیلر. بیراق یمن ده گی انصارالله حرکتی و حوثیلرنی بیر استثنا اوله راق کوریش ممکن. قیزیل دینگیز بیلن باب المندب نی اسرائیل و متفقلری نینگ کیمه لری نینگ اوتیشی گه یاپیب قوییشی بویوک بیر جسارت معناسیگه کیلماقده ایدی. امریکا قوشمه ایالتلری هم انگلستان نینگ حمایه سی بیلن یمن گه هوا عملیاتلری اویوشتیریش گه باشله دی.
بیراق سونگگی حادثه و امریکا قوشمه ایالتلری حربی مرکزی نینگ عراق، سوریه و اردن اورته سی نینگ هدف آلینیشی ینگی بیر بحران معناسیگه کیله دی. آلدین هم عراق – سوریه ساحه سیده امریکا قوشمه ایالتلری حربی مرکزلریگه قریب 200 ته هجوم گه قول اوریلدی. بیراق بولر کیچیک هجوملردن عبارت ایدی و امریکا قوشمه ایالتلرینی قیینچیلیک که دوچ کیلتیریش اوچون کوچ کورستیشدن عبارت ایدی. ایندی ایسه توغریدن توغری امریکا قوشمه ایالتلری حربیلری اولدیریلگن بولدی.
البته کی بو جریان نینگ قنداغ آلغه باریشی گه بایدن قرار بیره دی. او اوزی امریکا قوشمه ایالتلری همجمعیتی اینیقسه جمهوریتچیلرنینگ باسیمی آستیگه دوچ لگن وضعیتده و توغریدن توغری ایران نی نشان آلیب اوریلیشی توغریسیده طلبلر بار. بیراق سیلاولر یقین بولگن شو پیتده ایران بیلن اوروش گه کیریش آسان ایمس. یقین شرق نی بوتونله ی و البته کی امریکا قوشمه ایالتلری بیلن متفقلری نینگ منفعتلرینی هم تهدید ایتووچی بویوک بیر یانغین گه سبب بوله دی. بایدن محدود جزالنتیریش وریانتلرگه ماسلنگن شکللی. شونده ی بولیب کوچسیز کوریلمه گن شکلده همجمعیت گه بیر نرسه لر کورستماقچی. ایرانگه قره ته قورقیتووچی بیر حرکت بولگن بوله دی. کتته احتمال عراق و سوریه ده گی ایران گه باغلیق گروپلرگه قره ته هوا عملیاتی اویوشتیریله دی. بناً کتته بیر اوروش احتمالی حلی هم کوپ کوریلمه یدی. بیراق اسرائیل نینگ غزه نی اشغالی و قیرغینلری دوام ایتگن سری یقین شرقده هیچ کیم تینچ بولمه یدی. امریکا قوشمه ایالتلری بیلن متفقلری هم بونگه داخل.
تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایتدیک.
