تورکیه بیلن ایران مناسبتی و رئیسی نینگ تورکیه گه تشریفی

تورکیه بیلن ایران مناسبتی و رئیسی نینگ تورکیه گه تشریفی

ایران جمهور باشلیغی ابراهیم رئیسی همراهیده وزیرلر و یوقاری سویه لی ییتکچیلردن عبارت بیر هیئات بیلن جاری ییل نینگ 24 جنوری تاریخیده تورکیه گه تشریف بیوردی. بو تشریف انقره – تهران مناسبتلریده عنعنوی رقابت – همکارلیک اورته سیده آلغه بارگن و منطقوی مسئله لرنینگ کیچیکتیریلشی گه توغری کیلمه گن بیر پیتده عملگه آشیریلدی.  ایککی اولکه نینگ معما و فرصت ساحه لری توغریسیده دیالوگ گه تیار ایکن لیکلرینی کورسته دی. رئیسی نینگ سفری درحقیقت 2023 ییلی نینگ ایلک آیلریده اعلان قیلیندی، بیراق کیین اوچ مرته کیینگه تشلنگندی. سونگگی مرته کرمانده یوزبیرگن ترورچیلیک هجومی طفیلی کیینگه تشلنگندی. بیراق بو هجوم نینگ اوستیدن کوپ وقت اوتمه ی رئیسی نینگ انقره گه تشریف بیوریشی بیلن ایران نینگ بو سفرگه بیرگن اهمیتینی کورسته دی.    

تشقی پولیتیکا بوییچه تیکشیرووچی و یازووچی پروفیسور دوکتور مراد یشیل تاش نینگ موضوع حقیده گی تحلیل یازووینی تقدیم ایته میز.

البته کی ایککی تامان نینگ کوپلب موضوعده کیلیشماوسیزلیگی و کوپلب موضوعده مشترک منفعتی بارلیگینی بیله میز. بو کبی سفرلر عموماً مشترک یانداشوولرنینگ کوپه یتیریلیشی و باشقریلیشینی مقصد قیلیب آلماقده. تشریف آلدی ایران ییتکیرمه سیده چیققن تورکیه تنقیدلرینی توازنلشتیریش اوچون دولت ییتکیرمه سیده مثبت تحلیللرنینگ اورین آلیشی و ایران تشقی ایشلر وزیری حسین امیر عبداللهیان نینگ تورکیه دن بیر گزیته گه جوده اولیملی و صمیمی بیر مقاله یازیشی، ینه ایران تامانی نینگ بو تشریفده کوتیلگنلریگه ماس آتیلگن آدیملرنی عکس ایته دی.

شو تشریف دایره سیده تورکیه – ایران یوقاری درجه ده گی همکارلیک کینگشی نینگ سیککیزینچی جلسه سی بولیب اوتدی. اوشبو جلسه ده اقتصادی جهتدن جوده مهم موضوعلرنینگ قولگه آلینگن لیگینی ایتیش ممکن. اینیقسه تجارت حجمی نینگ کوپه یتیریلیشی اوچون انرژی، چیگره حدودیده تجارت، باجخانه موضوعلری و اوزارا سرمایه کیریتیش کبی موضوعلرنینگ مطرح بولگن لیگینی کوره میز. جلسه ده تورکیه تامانیدن خزینه و مالیه وزیری محمد شیمشک، انرژی و طبیعی منبعلر وزیری آلپ ارسلان بیراقدار و مرکز بانکی باشلیغی حفیظه غایه ایرقان نینگ بولیشی اوچره شوولرنینگ اقتصادی جهتدن اهمیتینی کورسته دی.

شونده ی بولیب منطقوی مسئله لر، جنوبی قفقازیا، فلسطین، سوریه، عراق، یمن و شرقی اورته ییر دینگیزینی اوز ایچیگه آله دیگن روشده تیلگه آلینگن لیگی کوریله دی. ینه تورکیه تامانیدن تشقی ایشلر وزیری خاقان فیدان، ایچکی ایشلر وزیری علی ییرلی قایا، ملی مدافعه وزیری یشر گولر و ملی استخبارات تشکیلاتی (میت) باشلیغی ابراهیم قلین نینگ بولیشی منطقوی سیاست و خوفسیزلیک که تیگیشلی موضوعلرنی تیگه آلینگن لیگینی کورسته دی. بو موضوعلر ایچیده ایککی اولکه اوچون هم خاص اهمیت گه ایگه بولگن جوده مهم باشلیق نینگ مشترک بیر تهدید بولمیش ترورچیلیک موضوعی ایکن لیگی کوریله دی.

جمهور باشلیغی رجب طیب ایردوغان "ایران بیلن PKK/PYD/YPG  و  PJAK گه قرشی همکارلیگیمیزنینگ کوچه یتیریلیشی نینگ اهمیتی گه تماس قیلدیک" دیب ایتدی. ایران جمهور باشلیغی رئیسی هم ترورچیلیک نینگ منطقه دن تشقریده گی کوچلر تامانیدن قوللب – قوتلنگن لیگینی افاده ایتگن دیر. شونده ی بولیب منطقه اولکه لری نینگ منطقه دن تشقریده گی کوچلرنینگ تاثیرینی کمه یتیریش اوچون بیرگه لیکده حرکت ایتیش نینگ اهمیتینی اورته گه قویماقده دیر.

اوشبو تشریف نینگ انیق نتیجه سی اوله راق ایککی اولکه اورته سیده تورلی ساحه ده 10 ته بیتیم گه قول قوییلدی. تجارت، ترانسپورت، علاقه، مدنیت، صنایع، تکنالوجی، انرژی و خوفسیزلیک قاله ویرسه کوپلب ساحه نی اوز ایچیگه آلگن بو کیلیشوولرگه تامانلرنینگ تیگیشلی اینگ یوقاری درجه ده گی ییتکچیلری تامانیدن قول قوییلدی. 30 میلیارد دالرلیک تجارت حجمی هدفی تاکییدلندی. قوشنی اولکه جمهور باشلیغی رئیسی "بیز اوزاق ییللر تورکیه بیلن یخشی مناسبتلرده بولدیک و بوندن کیین هم بو مناسبت نی یوقاریگه چیقریش نی خواهله یمیز." دیب همکارلیک که تیار ایکن لیکلرینی افده ایتدی. جمهور باشلیغی ایردوغان هم شونقه ایتدی، "قوشنیمیز ایران بیلن مناسبتلریمیزنی اوزارا ایشانچ و مشترک منفعتلر اساسیده کوچه یتیریش گه اهمیت بیره میز." دیب یخشی قوشنیلیک مناسبتلرینی تاکییدله دی. تشریف نینگ یخشی و صمیمی فضاده بولیب اوتگن لیگینی کوره میز. منطقه جوده قیین بیر وضعیتده بولگن شو پیتده  برقرارلیک، تینچلیک و خوفسیزلیک نینگ تاکیید ایتیلیشی ایککی دولت نینگ تاریخی مسؤلیتلریدن عبارت.     

تشقی پولیتیکا بوییچه تیکشیرووچی و یازووچی پروفیسور دوکتور مراد یشیل تاش نینگ موضوع حقیده گی تحلیل یازووینی تقدیم ایتدیک.