تورکیه گه خاص بیر نان حقیده قیسقه معلومات

تورکیه نینگ قاره دینگیز قیرغاغیده جایلشگن اُردو ولایتی نینگ مسعودیه تومنی خاص بیر میتود بیلن پیشیریله دیگن و اویغون شرایطده 5 ییل گه قدر چیدیه آله دیگن بیر نان گه میزبانلیک قیلماقده.  منطقه ده گی ییلاق فرهنگی نینگ بیر نتیجه سی اوله راق پیدا بولگن "مسعودیه قوریق نانی", اُردو شهردارلیگی نینگ طلبی گه بناً میلادی 2022- ییلده تورکیه نینگ ثبت قیلینگن جغرافی محصولاتی لیستی گه کیریتیلدی.  حلقه شکلیده پشیریله دیگن اوشبو نان نینگ خمیریده فقط گینه بوغدای اونی, قوریق مایه, سوو و توزدن استفاده ایتیلماقده.  تقریباً 150 گرام آغیرلیککه ایگه اوشبو نان نینگ خمیری 20 دقیقه ده مایه له نه دی و بیر مدت دمی نی آلیشی آرتیدن حلقه شکلیده آچیله دی.  حلقه خمیر لر بلوط یاکه کاج اوتینی بیلن 170 سانتی گراد ایسسیق قیلینگن داشده 15 دقیقه یریم پیشیریلگن حالده داش دن چیقریله دی.  نان ساووشی آرتیدن ینه 15 دقیقه داشده پیشیریله دی.  شونده ی قیلیب نانده خواهلنگن قوریقلیک تامین ایتیلگن بوله دی.  پشیریلیشی آرتیدن قطری 25 الی 30 سانتی متر بولگن نانلر کیین انیق قوریتیلیشی اوچون ایسسیق لیگی 50 سانتی گراد گه توشیریلگن داشده تقریباً 5 ساعتده کوتدیریله دی.  داشدن چیقریلیب ساووشی اوچون ینه بیر ساعت کوتدیریله دیگن مسعودیه قوریق نانی, هوا کیرمه یدیگن شکلده پلاستیک نینگ ایچیگه جایلشتیریلیب ساتیله دی.  اوشبو نان نینگ ساوق و قوریق جایده بولیشی تقدیرده تقریباً 5 ییل گه قدر بوزیلمه یدیگن لیگی بیلینماقده.