تورکیه گه خاص بیر قول صنعتی توغریسیده قیسقه معلومات

تورکیه نینگ شرقی اناطولی منطقه سیده جایلشگن و تاریخده اورارتو مدنیتی نینگ پایتختی بولگن وان ولایتی, کولی و طعام لری بیلن بیر قطارده, قول صنعت لری بیلن هم حقلی بیر شکلده انچه مشهور.  بولردن بیری بولگن "سَواتلی کومیش قول صنعتی", وان ولایتی تجارت و صنایع اتاق لری نینگ طلبی گه بناً میلادی 2017- ییلده تورکیه نینگ ثبت قیلینگن جغرافی محصولاتی لیستی گه کیریتیلدی. سوات, قورغاشین, کومیش, مس و گوگرد کبی معدنی مواد نینگ بیرلشتیریلیشی نتیجه سیده قولگه کیریتیلگن بیر نرسه بولیب, اوشبو سوز عرب تیلیده قاره معنی سیده گی "اسود" کلمه سیدن تورک تیلی گه کیریب کیلگن. سوات نینگ تیارله نیشی اوچون بیرینچی دن 500 گرام مس, 500 گرام قورغاشین, 125 گرام کومیش و 1 کیلوگرام گوگرد تقریباً 750 سانتی گرادده ایریتیله دی.  یخشی قره رنگ گه ایلنگن اوشبو اره لش بیر ایدیش گه قویلیب ساوتیله دی.  بابلب ساوتیلگن اوشبو اره لش آلدین پارچه لر گه اجره تیله دی کیین ایسه پارچه لر تویله دی.  سونگ ایلَک دن اوتکزیلیب اُون شکلی گه کیلتیریله دی.  کیین بونگه بوراکس قوشیمچه قیلینیب یوقه بیر لای قولگه کیریتیله دی.  قولگه کیریتیلگن ماده کومیش دن تیارلنگن سگرت پایپ لری, کول تباق لری, آت ایگر لری, تسبیح لر و باشقه بیزه ک بویوم لری گه قول بیلن سورتیله دی.  خوددی شوو قول صنعتی بوییچه ایشلیاتگن کیشی لرنینگ یخشی بیر صنعتکار بولیشی و خیال کوچی نینگ کینگ بولیشی کتته اهمیت گه ایگه.  اوتمیشی میلاد دن آلدین گه باریب تقیلگن سوات قول صنعتی, یوقاری عیار کومیشده اجرا ایتیلگنده کیفیتلی کومیش نینگ اسره ب قالگن آق لیک بیلن قاره سوات چیزیق لری بارز بیر تضادلیککه سبب بوله دی.  سواتلی کومیش قول صنعتی نینگ باشقه بیر مهم خصوصیتی ایسه کومیشده اورین آله دیگن موتیف یاکه بیزه ک لر اوچون اوچی فولاددن بولگن قلم لردن استفاده ایتیلیشی کیره ک بولگن لیگی دن عبارت.  حاضرگی کونده وانده تورت دوکانده ایشلب چیقریلیاتگن محصولات نینگ تقریباً همه سی صادر قیلینماقده.