آدانا کباب

آدانا کباب

تورکیه ده گی رستورانتلرده اینگ کوپ بیشیریلگن و ییلگن اوقاتلردن بیرته سی نینگ آدانا کبابی ایکن لیگینی بیلرمیدینگیز؟

آدانا کبابی تورک آشخانه سی نینگ مشهور اوقاتلریدن بیرته سی دیر و تورکیه نینگ جنوبیده جایلشگن آدانا شهریگه خاص دیر. تورکیه دن تشقریگه ییره بارگن بو اوقات بوگونگی کونده کوپلب اولکه ده یاقیملی ییمک صفتیده مصرف بولماقده.

تورکچه گه عرب تیلیدن کیلگن «کباب» کلمه سی بیر تباقده ویا الونینگ اوستیده سووسیز بیشیریلگن ایت معناسیگه کیله دی. آدانانینگ مرکزیده جایلشگن چقور اوا منطقه سیده قدیمدن بیری کباب بیشیریلماقده. بوگونگی کوندن 400 ییل آلدینگی تاریخلرده گی بعضی بیر زیر خاکیلرده بو جایده منقل آرقه لی ایت بیشیریلگن لیگینی کورسته دی. بوگونگی ادانا کبابی 19 – عصرنینگ ایککینچی یرمیده آدانانینگ تاریخی بازاری بولمیش قزانچیلر بازاریده یوزه گه چیققن دیر. آدانا کبابینی ایریم کبابلردن فرقلی ایکن لیگینی کورستگن اساسی نرسه ایت دیر. بو کباب نینگ ایتی دشتلرده طبیعی حالتده اوتله گن ایرکک قوی نینگ ایتیدن عبارت دیر. آدانا کبابی ایتی اداناگه خاص بولگن «زره» آتیده گی چاپقی بیلن کیسیب قییله دی.قییلگن ایت گه قوزی قویروغی، قیزیل قلمپیر و توز قوشیله دی. اوشبو قیمه شیش سیخلرگه «شامی» شکلده اوتکزیلیب بیشیریله دی.

ایریم جغرافیه لرده ییره ب کیتگن آدانا کبابی استندردلری دوام ایتیشی اوچون تورک پاتینت و مارک باشقرمه سی تامانیدن ثبت قیلینگن و جغرافی اثرلرگه قوشیلگن دیر.