جمهوریت

جمهوریت

جمهوریت نینگ اعلان ایتیلیشیدن اوزاق ییللر آلدین مصطفی کمال نینگ جمهوریت نی قوریش گه قرار بیرگنلیگینی بیله سیزمی؟

تورکیه جمهوریتی نینگ 100 – ییل لیگی نشانلنماقده...

جمهور 1923 – ییلی 29 اکتوبر تاریخیده اعلان قیلیندی. شونده ی بولیب مصطفی کمال جمهوریت نی قوریش گه بو تاریخدن اوزاق ییللر آلدین قرار بیرگندی. بیرینچی دنیا اوروشی نینگ سونگگیده اوتیلگن عثمانلی دولتی اوزی اوچون بیر اولیم بویروغی معناسیگه کیلگن آغیر شرطلرنی اوز ایچیگه آلگن ثور کیلیشوویگه قول قویگن و توپراقلری اشغال قیلینگن دیر. 1919 ییلی 19 می تاریخیده سامسون ولایتیده تورک اولوسی نینگ قوتیلیش کوره شینی باشلتگن مصطفی کمال برچه سلبی شرطلرگه قره مه ی کیسکین اوله راق یوتوق قولگه کیریتیلیشی گه ایشانماقده دیر. شونده ی بولیب حلی گچه قوتیلیش اوروشی باشله مه گن و توزیک بیر تورک اردوسی گه یوق.

میلادی 1919 ییلی نینگ جولای آییده ایرزورومده قوتیلیش اوروشینی ریجه لش مقصدی بیلن بیر کنگره بولیب اوته دی. بیر کون کیچقرون مصطفی کمال بو جایده اورتاق بولگن مظهر مفید کانسوگه ظفردن کیین حکومت شکلی نینگ جمهوریت بوله جگینی ایته دی. بیراق بو سوزی بیر سیر بولیب قالیشی کیره کدی. فقط بیر سیر بو ایمسدی. او کونی مصطفی کمال کییم ساحه سیده هم بیر انقلاب بوله جگینی ایته دی. شونده ی بولیب عصرلردن بیری ایش آلینگن عرب الفباسی نینگ اورنیده لاتین الفباسی آله جکدی.

تورت ییل کیین اوروش تورک اولوسی نینگ یوتوغی بیلن اداغگه ییتیب باردی. لوزان تینچلیک کیلیشووی قبول ایتیلدی. سلطنت رژیمی کوتریب تشلندی. 1923 ییلی 28 اکتوبر کونی کیچه مصطفی کمال اورتاقلریگه "ایرته گه جمهوریت نی اعلان ایته میز" دیب ایته دی. 29 اکتوبرده تورکیه بویوک ملت مجلسیده جمهوریت نینگ اعلانی قبول قیلینه دی. کیین یشیرنچ روشده جمهور رئیسلیک سیلاوی بولیب اوته دی و 158 ملت وکیل بوتونله ی قبول رای بیریشی بیلن مصطفی کمال پاشا ینگی تورک دولتی نینگ ایلک جمهور باشلیغی ایتیب سیلنه دی.

ینگی تورک دولت دنیا مقیاسیده اعلان ایتیلگندن کیین مصطفی کمال اوزاق ییللر آلدین ریجه له گن ایریم آدیملر هم بیرته بیرته عملی بولیب باشلنه دی. فقط کییم ساحه سیده ایمس، تعلیم، حقوق، مدنیت، اقتصاد، خاتین – قیزلرگه سیاسی حقلرنینگ بیریلیشی کبی عاموی حیات نینگ تورلی ساحه سیده انچه ینگیلیکلر کیریتیله دی. لاتین الفباسی قبول قیلینه دی. شونده ی تورکیه جمهوریتی مصطفی کمال آتاتورک هدفله گن لائیک، مودرن و دموکراتیک بیر دولت ایتیب دنیا اولکه لری قطاریگه اورنینی آله دی.