یورتده تینچلیک جهانده تینچلیک
بولرنی بیله سیزمی؟
یورتده تینچلیک جهانده تینچلیک
حیاتی نینگ 30 ییلینی عسکر بولیب اوتکزگن مصطفی کمال آتاتورک نینگ تینچلیک که کتته اهمیت بیرگنلیگینی بیله سیزمی؟
عسکرلیک حیاتی گه 12 یاشده باشله گن، 4 ته اوروشده جبهه لرده اوروشگن، مارشاللیک رتبه سیگه ایریشگن مصطفی کمال آتاتورک اوچون اوروش مجبوری و حیاتی بولیش کیره ک ایدی. ملت نینگ حیاتی خطرگه دوچ قالمه گن تقدیرده اوروش قیلیش نینگ بیر جرمدن عبارت ایکن لیگینی ایتگندی. او «یورتده صلح جهانده صلح» دیگندی و بو سوزنینگ اساسینی انسان سیوگیسی و و انسانلیک مفکوره سی تشکیل بیرماقده ایدی. مصطفی کمال آتاتورک نینگ بو گوزه ل سوزی تورکیه جمهوریتی اوچون واز کیچیلمس اساسلردن بیرته سی بولگن دیر. بو شعار یورت ایچیده تینچلیک و برقرارلیک ایچیده حیات کیچیریش نی؛ باشقه تاماندن خلق ارا تینچلیک و امنیت نی آماج قرار بیرماقده. چونکه دنیانینگ قیسی جاییده بولسین یوزبیرگن ناقرارلیک برچه گه ضرر ییتکیزماقده. شونده ی بولیب ملتلر ایریم ملتلرنینگ معماسیگه ییچیم تاپیش اوچون اورونیشی کیره ک دیر.
«یورتده تینچلیک جهانده تینچلیک سوزی» مجبور قالمه گن تقدیر اوروشیش بیر جرم دیر یانداشووی نینگ نتیجه سی دیر. مصطفی کمال آتاتورک اوز وقتی نینگ اینگ بویوک تینچلیک فضاسینی ایجاد ایتگن و 1934 ییلی یونان باش وزیری ونیزلوس تامانیدن نوبل ساورینی گه کاندید بیریلگن دیر.
