ییرنینگ آستیده گی سوودن حددن تشقری فایده له نیش دنیا محوری نینگ سیلجیب کیتیشی گه سبب بولدی

ییرنینگ آستیده گی سوو دن حددن تشقری فایده له نیلگن لیگی نینگ دنیا محوری نینگ آرتیقچه 4 سانتی متر سیلجیب کیتیشی گه سبب بولگن لیگی, باشقه بیر تاماندن ایسه اوشبو سیلجیش نینگ نتیجه لری نینگ اقلیم اوزگریشی بوییچه تاثیر قالدیرمه گن لیگی بیلدیریلدی. 

ییرنینگ آستیده گی سوو دن حددن تشقری فایده له نیلگن لیگی نینگ دنیا محوری نینگ آرتیقچه 4 سانتی متر سیلجیب کیتیشی گه سبب بولگن لیگی نی کورسه تیب بیرگن تدقیقات نینگ باشقروچیسی سئول ملی عالی بیلیم یورتی ییر بیلیم لری بولیمی نینگ استادی پروفیسر داکتر کی- ویون سیو, "اوشبو سیلجیش نینگ نتیجه لری نینگ اقلیم اوزگریشیده هیچ قنده ی بیر تاثیری یوق.  لیکن اقلیم اوزگریشی سببلی ییر نینگ آستیده گی سوو لردن حددن تشقری فایده له نیش نینگ مستقیم بولمه گن بیر شکلده سیلجیش گه تاثیر قالدیرگن بولیشی ممکن" دییه قید ایتدی. 

جنوبی کوریا, آسترالیا, چین و امریکا قوشمه ایالتلریده جایلشگن کوپلب عالی بیلیم یورت لری اکادمیسین لری, میلادی 1993- و 2010 – ییل لری آره سیده گی قطب حرکت لری بیلن علاقه لی اقلیم بوییچه معلومات لر نی تیکشیریب چیقدی. 

اوشبو ییل لر آره سیده ییر نینگ آستیدن توپلم 2,15 گیگا تن سوو نینگ چیقریلگن لیگی و بونینگ هم 6,24 ملی متر لیک دینگیز سویه سی نینگ آرتیشی بیلن تینگ ایکن لیگی انیقلندی. 

علمی تحقیقده تدقیقاتچی لر دنیا ده گی سوو مقداری گه تاثیر قالدیره دیگن قطب و تاغ موزلیک لری نینگ ایریشی کبی انچه بیلینگن نرسه لر بیلن بیرگه ییر نینگ آستیده گی سوو نینگ چیقریلیشی نینگ هم قطب حرکتیده بیر فکتور اوله راق بحث موضوعی بولگن لیگینی معلوم قیلدی. 

اوشبو تدقیقاتنی باشقرگن سیو, انادولو آژانسی بیلن قیلگن مصاحبه سیده, تدقیقاتده بحث ایتیلگن اوزگریش نینگ بیلینگن جغرافی قطب لر بیلن علاقه لی ایمس, بلکه دنیا نینگ ایله نیشی محوری نینگ قابوغی گه کوره حرکتی اوله راق بیلینگن "قطب گه تیگیشلی حرکتی" بیلن باغلیق ایکن لیگینی ایسله تیب اوتدی. 

"اقلیم اوزگریشی نینگ مستقیم بولمه گن تاثیری"

اوشبو حرکت نینگ انچه کیچیک بیر اوزگریش ایکن لیگی و اقلیم اوزگریشی گه تاثیر قالدیره دیگن درجه ده ایمس لیگی نی بیلدیرگن سیو, "20 ییللیک بیر مدت دوامیده تقریباً 1 ملی مترلیک بیر اوزگریش دن بحث ایتماقده میز. بو جوده کیچیک بیر تاثیر" دییه قید ایتدی.

ییرنینگ آستیدن بو قدر سوو چیقریلیشی نینگ سبب لریدن بیری نینگ, اقلیم اوزگریشی سببلی سوو منبع لری نینگ آزه یگن لیگی نتیجه سیده انسان لرنینگ ییرنینگ آستیدن سوو چیقریش گه حرکت قیلیاتگن لیگی دن عبارت ایکن لیگی نی بیلدیرگن سیو, اوشبو جهت دن آلیب قره گنده اقلیم اوزگریشی نینگ قطب حرکت لری گه مستقیم بولمه گن تاثیری بولیشی نینگ ممکن ایکن لیگینی معلوم قیلدی.