شاه بلوط نینگ بیر اناطولی میوه سی ایکن لیگینی بیله سیز می؟

اناطولی شاه بلوط نینگ یورتی دن عبارت.  دنیا ده شاه بلوط نینگ اون آلتی توری موجود. لیکن اروپا ده حاضرگی کونده موجود بولگن و کینگ قولاچ یاییب کیتگن تور نینگ وطنی اناطولی بولیب کیلگن. فرقلی منبع لر گه کوره, دنیا ده شاه بلوط ییتیشتیریش نینگ 6 مینگ ییللیک بیر اوتمیش گه ایگه ایکن لیگی اویلنماقده. شاه بلوط فرهنگی نینگ اناطولی ده باشلب, میلاد دن آلدین 5- عصرده یونان گه و بو ییردن ایسه ایتالیا گه آلیب باریلگن لیگی بیلن علاقه لی تاریخی منبع لر موجود. 

تاریخده بیرینچی مرته شاه بلوط لیدیا مدنیتی دوریده کورینگن. لیکن انتیک چاغلرده اوشبو میوه اوزاق بیر مدت لیدیا المه سی دیب نامله نیب کیلگن.  اوشه پیتلرده اینگ یخشی شاه بلوط لر لیدیا مدنیتی نینگ مرکزی بولگن, حاضرگی کونده تورکیه نینگ مانیسا ولایتی صالحلی تومنی چیگره لری ایچیده جایلشگن منطقه ده ییتیشتیریلماقده ایدی.  نشایسته مقداری نینگ کوپ ایکن لیگی سببلی بوغدای دیک تویدیره دیگن بیر غذایی مواد ایکن لیگی باعث جوده قیمت بها بیر میوه دن عبارت ایدی. شونینگ اوچون اینیقسه غربی اناطولیده گی ایسکی یونان کالونی لری نینگ اینگ مهم غذایی مواد لریدن بیری بولیب کیلگن.  یونان لیک لر شاه بلوط نی اناطولی دن آلیب باریب حاضرگی کونده گی یونانده ییتیشتیریش گه حرکت قیلدی.  اوزاق بیر مدت اورنه شیش لری آرتیدن تیسیلیا ارالی نینگ کاستانیا منطقه سیده شاه بلوط نی ییتیشتیریش گه موفق بولدی لر.  شونده ی قیلیب شاه بلوط اروپا تامان کیته باشله دی.  یونانلیک لردن کیین روم لیک لرنینگ کاستانیا منطقه سیدن آلگن لیک لری اوچون, اوشه پیت گه قدر لیدیا المه سی دیب ناملنگن اوشبو میوه "کاستانیا" اسمی گه ایگه بولدی. 

شاه بلوط روم, بیزانس و عثمانی قصرلریده اوزی گه خاص بیر اورین گه ایگه ایدی.  حاضرگی کونده تورکیه ده دسترخوان نینگ خاص طعام لریدن بیری بولگن شاه بلوطلی پلو, عثمانی قصریده فاتح سلطان محمد دوریده قصر آشخانه سیده شاه بلوطلی پلو اوله راق پیشیریلماقده ایدی.  

شاه بلوط, پسته و ینگغاق کبی نرسه لر ایچیده غذایی ارزشی اینگ یوقاری بولگن میوه لردن بیری. حاضرگی کونده شاه بلوط اونی دن تیارلنگن نان و بسکیت خیل لری گلوتن سیز محصولات آره سیده اینگ مهم لری دن بیرینی تشکیل ایتماقده.  شاه بلوط نشایسته و منرال لر جهتی دن جوده بای.  سی, اِی و بی ویتامین لریدن تشقری, فاسفورس, مگنیزیم و کلسیم کبی باشقه منرال لر گه هم ایگه.  عینی دمده شاه بلوط فقط گینه بای محتوا گه ایگه میوه لری ایمس, بلکه تخته لری جهتی دن هم دنیا نینگ اینگ مهم درخت لریدن بیری نی تشکیل ایتماقده.