آرتوین صحرالری

آرتوین صحرالری

تورکیه نینگ شمال – غرب تامانیده جایلشگن آرتوین ولایتی نینگ توپراقلری نینگ یرمیدن کوپراغی نینگ صحرالردن عبارت ایکن لیگینی بیله سیزمی؟

آرتیون ولایتی نینگ 51 فایزدن کوپراغی صحرالردن تشکیل تاپماقده. مدحش اورمانلری، ملی پارکلری، اریق و دریالری، شلاله لر، تاریخی قالدیقلری، کوللر و صحرالری بیلن تورکیه نینگ طبیعی گوزه لیکلردن بای ولایتلریدن بیرته سی دیر.

آرتوین ولایتی نینگ تاریخی گه قره گنده کوپ قدیمی شهر بولمه گن حالده الیب باریلگن قازوولرده میلاددن آلدین 2 مینگ ییللرگه تیگیشلی بعضی بیر تورر جایلر یوزه گه چیققن دیر. شونده ی بولیب آرتیون تاریخی بیلن ایمس طبیعی گوزه ل لیگی بیلن تن آلینماقده دیر.

یشیل نینگ مینگلب شکلی بیلن بیزه لگن آرتوین صحرالری نینگ ایچیده قچقر صحراسی جوده کینگ اورمان و یشیل ساحه گه ایگه دیر. شهرنینگ جنوب – غربیده جایلشگن 1 مینگ 250 متر بلندلیکده گی کفکاسور صحراسیده هر ییل جون آییده بوقه کوره شلری هم بولگن فستیوال اویوشتیریلماقده. خوددی شو آرتویندن 10 کیلومتر اوزاقده جایلشگن هاتیلان وادیسیده ایسه تورلی نباتات کوکرماقده بولردن بعضی بیرته سی ایسه داری صنایعیده ایش الینماقده دیر.

قاره دینگیز منطقه سی نینگ جنتی ایتیب اتلگن قاره کول هم آرتوین ولایتی نینگ بورچکه تومنی حدودی ایچیده اورین آلماقده. بو کول جایلشگن منطقه طبیعت پارکی ایتیب اعلان قیلینگن دیر.

آرتیون نینگ تاریخی و طبیعی گوزه ل لیگینی کورماقچی بولگنلر اوچون اینگ مساعد وقت یامغیر کم بولگن می و اگست آیلری اورته سی دیر.