سویدن نینگ ایکّی یوزله مه چیلیگی

سویدن ده دنمارک لیک افراطی سیاستچی پالودان نینگ تورکیه جمهوریتی ایلچی خانه سی قاشیده قرآن کریم نی یاندیریب یوباریشی ینگی بیر بحث و مناظره نینگ باشلب کیتیشی گه سبب بولیب کیتدی. آلدین بونده ی عمللری سببلی دنمارکده جزالنتیریلگن پالودان نینگ اوشبو ایشنی سویدنده قیلگنلیگی انچه حیرتگه سزاوار بیر موضوع نی تشکیل ایتماقده.  زیرا سویدن ناتو گه اعضالیک پروسه سیده تورکیه نینگ حمایتی گه احتیاجی بار و ترور تشکیلاتی پ.ک.ک بیلن علاقه لی سیاستلری سببلی حاضرگه چه تورکیه دن مثبت بیر جواب آله آلمه گن. اوشبو جهتدن آلیب قره گنده مسئله نینگ اسلام گه قرشی مخالفتدن باشقه تامانلری نینگ هم موجود ایکن لیگی کورینماقده.  بیراق بونده ی بیر ایش نینگ سوز ایرکینلیگی دایره سیده بهالنتیریلیشی هم ناتوغری و همده جوده خطرلی. 

مسئله نینگ اینگ مهم تامانی اوشبو چیرگنچ حرکت نینگ حقوقی بُعدی دن عبارت.  سویدن مقام لری نینگ سوز ایرکینلیگی دایره سیده بونده ی بیر ایشگه اجازت بیریشی نینگ اوزی انسان حق لری و سوز ایرکینلیکلری دن باشقه بیر نرسه نی تشکیل ایتماقده.  سویدن نینگ حکومت سویه سیده بیرگن بیاناتیده بحث ایتیلگن بیر نوع "چیکسیز سوز ایرکینلیگی" حقیقتده حقوققه اویغون ایمس.  حقوق جهتیدن آلیب قره گنده, بیریلگن بیاناتلر حقوق اورنیگه سوز ایرکینلیگی کبی "سمپاتیک" بیر اصطلاح بیلن سیاسی بیر تشبث نیتی نی کورستماقده.  تورکیه داخل 46 اوروپا دولتی نینگ طرف بولگن اوروپا انسان حقلری کیلیشوویده, اوشبو حق 10- ماده نینگ 1- فقره سیده "سوز ایرکینلیگی" عنوانی بیلن "همه اوز فکرلرینی بیلدیریش و توشینتیریب بیریش ایرکینلیگی گه ایگه" شکلده بیلدیریلگن وضعیتده. 

انسان لرنینگ خواهله گن نرسه نی ایتیشی ممکن می؟ بونده ی بولسه ایتگن نرسه لری میلیونلب انسان, حتی بیر کیشی گه ضرر ییتکزسسه چی؟ ینه هم سوز ایرکینیلیگی بوله دی می؟

خوددی شوو سئواللرنینگ جوابی هم اساساً 10- ماده ده بیریلگن.  10- ماده نینگ 2- پاراگرافیده اوشبو حق نینگ چیکسیز ایمس لیگینی کورسه ته دیگن بیر شکلده, "استفاده ایتیلیشی اوچون وظیفه و مسئولیت ضرورت بولگن اوشبو ایرکینلیکلر نینگ ملی خوفسیزلیک, توپراق بوتونلیگی یاکه دولت امنیتی نینگ اورنه تیلیشی, دولت نظمی نینگ تامین ایتیلیشی و جنایت نینگ آلدینی نینگ آلینیشی, ساغلیق یاکه اخلاق, باشقه لری نینگ شهرتی و حقلری نینگ اسره لیشی ویا قضا کوچی نینگ اوتوریته و طرفسیزلیگی اوچون قانونده ذکر ایتیلگن بعضی شرایط و  چیکلاو لر گه تابع بولیشی ممکن" دیب ایتیلگن. 

اوشبو حکم لرنینگ انیق حادثه لرده تطبیق ایتیلیشی بوییچه اوروپا انسان حقلری محکمه سی نینگ کوپلب قراری و باشقه لرنینگ شهرت و حقلری نینگ قورینیشی نی اساس قیلیب آلگن قرار لر موجود.  محکمه, سوز ایرکینلیگی نینگ, باشقه لرنی عرق, تیل, دین یاکه جنسیت جهتیدن کمسیتیش حقی اوله راق بهالنتیریلیشی نینگ ممکن ایمس لیگینی بیلدیرگن.  اوشبو دایره ده محکمه سوز ایرکینلیگی گه بیر چیگره انیقلرایکن, "حقلر آره سی موازنه" پرنسیب لریدن فایده لنگن. 

سویدن ده قرآن کریم نی یاندیریب یوبارگن اوشبو کیشی, قرآن کریم حقیده گی فکر لرینی, مسلمانلرنی خفه قیلمه یدیگن بیر شکلده بیلدیریش اوچون کوپلب امکانیت گه ایگه ایکن, بو ایشنی باشقه لرگه ضرر ییتکزه دیگن شکلده قیلیشی نینگ اوزی انیق روشده موازنه سیزلیک اوله راق قبول قیلینماقده.

محکمه دین بیلن علاقه لی سوزلرده, سوزلرنینگ کمیسیتووچی بیر شکلده ایکن لیگی یاکه ایمس لیگی, بیواسطه ایشانگن کیشیلرنی هدف قیلیب آلگن لیگی یاکه آلمه گنلیگی ویا مقدس سمبوللر گه حمله ماهیتیده ایکن لیگی یاکه ایمس لیگی نینگ انیقله نیشی کیره ک ایکن لیگی نی بیلدیرگن وضعیتده. 

محکمه نینگ اوشبو سوزلری گه قره گنده میلیاردلب کیشی نینگ عقیده سی بولگن قرآن کریم نی یاندیریب یوباریش نینگ مشروع بیر سوز ایرکینلیگی دن عبارت بولیشی ممکن ایمس.  سویدن سیاستچیلری و قضایی اورگانلری نینگ اوشبو موازنه سیزلیککه اهمیت بیرمه گنلیگی, اساساً سویدن نینگ اوروپا انسان حقلری کیلیشووی نینگ دین و وجدان ایرکینلیگی بیلن علاقه لی 9- ماده سی و تبعیض نینگ ممنوعیتی گه تیگیشلی 14- ماده سی نینگ اخلالی دن عبارت بولیب, اینیقسه مسلمانلرنینگ اساسی حقلری گه ضرر ییتکزماقده.  شوباعث سویدن تشقی ایشلر وزیری نینگ اولکه سیده "کینگ سوز ایرکینلیگی امکانیتی بار" کبی قولاققه یخشی کیله دیگن سوز لر بیلن باشقه اساسی حقلر نی پایمال قیلیش گه حرکت قیلیاتگن لیگی کورینماقده. 

سویدن داخل کوپلب اولکه لر نینگ ترور تشکیلاتی اوله راق قبول ایتیاتگن پ.ک.ک نینگ سویدنده قیلیاتگن فعالیتلریگه عکس العمل کورستمسلیگی بیلن علاقه لی هم اوروپا انسان حقلری محکمه سی نینگ واضح و انیق قرارلری موجود.  بیر دعوا ده محکمه, فعالیتلری ممنوع قیلینگن بیر ترورچی تشکیلاتی تامانیدن قیلینیاتگن نشرات و بیریلیاتگن بیاناتلرنینگ, فقط گینه یازوچیسی و مخاطبی نینگ خصوصیتی ایمس, بحث موضوعی متن نینگ محتواسی و نشر قیلینگن آرقه پلان نینگ گه هم اهمیت بیریلیب ترور تشکیلاتی نینگ جرم گه مرتکب بولیشی یاکه تروریزم نینگ آقله نیشی گه تیگیشیلی آچیق بیر شکلده تهدید تشکیل ایتیشی تقدیرده سوز ایرکینلیگی اوله راق بهالنتیریله آلمه یدیگن لیگی بیلدیریلگن.  اوشبو دایره ده محکمه, مقاله نینگ محتوا سی نینگ منطقه ده زورانلیک نی ینه ده آرتیریشی نینگ ممکن ایکنلیگی گه قرار قیلدی. 

سویدن ده ترور تشکیلاتی پ.ک.ک ایزداشلری نینگ تروریزم پروپاگندی قیلیشی گه اجازت بیریاتگن لیگی انیق روشده, "تروریزم جرمی نینگ قیلینیشی یاکه تروریزم نینگ آقله نیشی بیلن علاقه لی واضح تحریک خطری نی" قمره ماقده.  تروریزم اشارت لری و "همه میز پ.ک.ک میز" کبی سوز لر گه قره گنده اوشبو فعالیتلر تروریزم و ناقانونی خشونت نی آقلاوچی بیر خصوصیت گه ایگه.  اوروپا انسان حقلری محکمه سی نینگ بونده ی وضعیتلرنی سوز ایرکینلیگی نینگ تشقریسیده بهالنتیریلیشی کیره ک ایکنلیگینی بیلدیریشی گه قره می, بو فعالیتلر گه اجازت بیریلیشی نینگ سوز ایرکینلیگی اوله راق بهالنتیریلیشی ممکن ایمس.  سویدن نینگ "سوز ایرکینلیگی" بهانه سی بیلن بونده ی فعالیتلر گه اجازت بیریشی, تاپشیریش اورنیگه تروریزم مظنون لری یاکه مجرم لری نی بغری گه باسیشی حقوق قاعده لری گه سیغمه یدیگن بیر وضعیتدن عبارت.