استانبول ده گی اینگ گوزه ل جاده حقیده قیسقه معلومات

دنیا نینگ اینگ "گوزه ل" جاده لری دن بیری نینگ استانبولده ایکن لیگی نی بیله سیز می؟

یشش طرزی و سیاحت بیلن علاقه لی نشرات آلیب باریاتگن دنیا نینگ اینگ مهم مجله لری دن بیری, میلادی 2022- ییل نینگ اینگ گوزه ل جاده لری نی انیقله ش اوچون خلق ارا مقیاسده 20 دن آرتیق شهرده یشیاتگن کیشی لرنینگ اشتراکی بیلن بیر تدقیقات اوتکزدی.  دنیا نینگ اینگ گوزه ل 33 جاده سی نینگ انیقلنگن اوشبو تدقیقاتده, استانبول نینگ بیشیکتاش تومنی ده گی سلیمان صبا جاده سی دنیا نینگ اینگ گوزه ل 27- جاده سی اوله راق سیلندی. 

تاریخی, معماری سی و اتموسفیری بیلن مقتاو گه سزاوار بولگن اوشبو جاده ده گی "قطار اوی لر", جاده نینگ مهم نرسه سی اوله راق بهالنتیریلماقده.  عینی دمده "قطار اوی لر" تورکیه نینگ بیرینچی دولت اوی- جای پروژه سیدن عبارت.  عثمانلی پادشاهی عبدالعزیز دوری ده, دولمه باغچه قصری میدان لری اوله راق قوریلیش لری میلادی 1875- ییلده باشله دی.  اوشبو اوی لرنینگ بیر بولیمی قصرده ایشله یاتگن محافظ لر و باشلیق لرنینگ یشیشی اوچون, بوگونگی معنی سی بیلن لوژمان اوله راق و بیر قسمی ایسه کرالیک اوی اوله راق قوریلگن. 

مصطفی کمال اتاتورک نینگ آنه سی, سینگلی سی و معنوی اوغلی هم معلوم بیر مدت اوشبو اوی لردن بیری بولگن 75 سانلی بنا ده یشه گن.  اتاتورک نینگ هم تیز- تیز کیلیب تورگن بو اوی, اونینگ فردینان دوسوسور بیلن تانیشگن کیین قورگن تورک تاریخ اداره سی و تورک تیل اداره سی نینگ تهدابی نینگ قوییلگن اوی دن عبارت.  میلادی 2010- ییلده موزیم گه ایلنتیریلگن اوشبو اوچ قَوَتلی اویده اتاتورک بویوم لری و اوشه دور نینگ تاریخی اثر لری نمایش ایتیلماقده.  عینی دمده خوددی شوو ییر نینگ اوزی ده فرقلی ویدیو لر, حجتلی فلم لر بیلن بیر قطارده,  بالکان اوروش لری, مهاجرت و ملی کوره ش بیلن علاقه لی مواد هم موجود.