ناتونینگ جلسه سی و امریکا بیلن تورکیه نینگ مناسبتلری
تحلیل و تیکشیروو
ناتونینگ جلسه سی و امریکا بیلن تورکیه نینگ مناسبتلری
بروکسلده بولیب اوتگن ناتو جلسه سی چوکاتیده اینگ قیزیق موضوع تورکیه – امریکا مناسبتلری دیر. منه ایندی خوددی شوو موضوع حقیده
خوفسیزلیک بوییچه تیکشیرووچی مراد یشیل تاش نینگ فکر و ملاحظه‌لرینی اعتبارینگیزگه حواله قیله‌میز .
ایردوغان – بایدن اوچره شووی اوتمیش اوچره شوولر کبی حساس بیر ملاقات بولدی و بایدن باشقرووی بیلن تورکیه اورته سیده گی کیلگوسی بیر نیچه ییل لیک جریانگه تاثیر قالدیرووچی درجه ده اهمیتلی ایدی. تورکیه اوز ارا مناسبتده اوچ ته موضوعنی اولویت گه قرار بیردی. بولردن بیرینچیسی اوز ارا مناسبت نینگ انیقلنتیریلیشی بیلن تیگیشلی بیر چوکات نینگ ایجاد ایتیلیشی ایدی. ساووق اوروش نینگ آرتیدن ایککی تامان هم مناسبت نی انیقلشتیریش اوچون انچه اصطلاحدن ایش آلدی. ستراتیژیک شریکلیک و مودل شریکلیک کبی در حقیقت اوز ارا مناسبت جهتیدن ایچی پوچ بیر قنچه بوش اصطلاح ترجیح قیلیندی. بولردن بعضی بیرته سی نینگ ایچی یا هیچ تولدیریلمه دی ویا قیسقه مدتلیک مناسبتلرگه جهت بیروچی روانی بیر فضا یراتیشدن باشقه بیر ایش توزه لمه دی. شونده ی بولیب تورکیه اوز مستقل لیگی گه حرمت قیلگن و تینگ بیر مناسبت طلب قیلدی.
ایککینچیسی ایسه اوز ارا مناسبت نینگ حقیتلر دایره سیده بولیش موضوعی ایدی. حقیقتدن اوزاق بیر مناسبت نینگ فایده لی بولمه گن لیگینی تورکیه ایسله تیب اوتدی. واشنگتن باشقرووی هم انقره نینگ حقیقتدن اوزاقلشگن بیر تورکیه – امریکا مناسبتلرینی آلیب باریش توغریسیده علاقه سی بولمه گن لیگینی بیلیب آلگن وضعیتده. بایدن بیرگن بیاناتلر تورکیه بیلن یوز بیرگن معمالرگه ییچیم تاپیش نقطه سیده علاقه سی بولگن لیگینی کورستدی.
تورکیه – امریکا مناسبتی نینگ اینگ حساس جایی ایسه حقیقت بیلن ماس بولمه گن موضوعلرده یوز بیرگن کیلیشماوسیزلیکلر ایدی. اوچره شووده پی وای دی-وای پی جی، فتو، س-400 کبی موضوعلر تیلگه آلیندی. شونده ی بولیب امریکا قوشمه ایالتلری نینگ CAATSA دایره سیده عملی قیلگن چیکلاولرنینگ بیر تامانگه قوییب بها بیرمسلیک نینگ ممکن ایمس ایکن لیگی ایتیلدی. ایککی رهبر هم بو توغریده تیگیشلی وزیرلیکلرنینگ علاقه ده بوله جگینی افاده ایتدی. بناً کیلگوسی باسقیچده بعضی بیر مسئله لرنینگ برطرف ایتیلشی کوتیله دی.
اوچره شوولرده اوستیگه توخته لگن ایریم بیر موضوع ایسه تورکیه – امریکا مناسبتلرینی دواملی قیلیش دیر. ملاقات نینگ آرتیدن بیریلگن بیاناتلرده هم کوریلگندیک ایککی اولکه نینگ هم بو مناسبت نی دواملی بولیشینی خواهله یدی.
بو اوچ موضوع بوییچه تورکیه بیلم امریکا قوشمه ایالتلری معلوم بیر درجه ده کیلیشیب الگنده ایریم موضوعلرنینگ بوندن هم انیقراق شکلده بحث قیلیش ممکن بوله دی. تورکیه نینگ کوچه ییب بارگن پروفایلی گه بها بیرمه گن بیر تشقی سیاست ستراتیژیسی ناکام بولیش گه مجبوردیر. امریکا قوشمه ایالتلری نینگ بونی کورگن لیگی و بیلگن لیگی کوریلماقده. شونده ی بولیب ناتو جلسه سی تورکیه – امریکا مناسبتلریده ینگی بیر صحیفه آچیش اوچون بیر فرصت یراتگن دیر.
خوفسیزلیک بوییچه تیکشیرووچی دوکتور مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حواله ایتدیک.
