ارمنستانده بحران دوام ایتیب بارماقده

ارمنستانده بحران دوام ایتیب بارماقده

اوتگن هفته ارمنستان قوراللی کوچلر قومندانی باش وزیر نیکول پشینیان گه استعفا ایتیشی بوییچه چقیریق قیلدی. پشینیان ایسه بونینگ بیر "تونتروو تشبثی" دیب اته دی و قوراللی کوچلر قومندانینی وظیفه دن چیتلنتیریش تشبثی گه ایلتیندی و خلقی نی کوچه لرگه دعوت ایتدی. حکومت طرفدارلری و مخالف گروهلر همزمان ایریوانده ییغیلیب باشله دی. ارمنستان جمهور باشلیغی قوراللی کوچلر قومندانینی وظیفه دن چیتلنتیریلیشینی تایید ایتمه دی و پشینیان بو وضعیتده جمهور باشلیغی نینگ هم "تونتروو تشبثی" گه اره لشگن لیگینی ایتدی.

خوفسیزلیک بوییچه تیکشیرووچی مراد یشیل تاش نینگ موضوع گه دایر فکر و ملاحظه‌لرینی اعتبارینگیزگه حواله‌ قیله‌میز .

ارمنستانده گی حادثه لرنینگ آرتیده بیر بیری بیلن علاقه لی اوچ ته سبب بار. بولردن بیرته سی ارمنستانده دوام ایتیب کیلگن قشاقلیک و فساد. یمان باشقروو سبب بولگن بو وضعیت گه درحقیقت پشینیان سبب بولمه گن بیراق ییچیم تاپیش گه اوزاق قالگن بیر موضوعدن عبارت. پشینیان نینگ 2018 – ییل اقتدارنی قولگه کیریتیشی گه غرب اولکه لری نینگ قوللب – قوتلشی قاله ویرسه قشاقلیک و فسادگه ییچیم تاپیش امیدی هم تاثیر قالدیرگندی. اونی قوللب – قوتله گنلر روسیه بیلن یقین مناسبت ایچیده بولگن موجود تیزیم نینگ پرابلملرگه ییچیم تاپالمه گن لیگی باعث پشینیان نی بیر الترناتیف اوله راق کوریب قوللب – قوتله گندی.

ایککینچی سبب، ایککینچی قاره باغ اوروشیده آذبایجان قولگه کیریتگن یوتوق و ارمنستان نینگ مغلوبیتی دیر. ارمنستان حکومتلری اونلب ییلدن بیری دوام ایتیب کیلگن دیپلوماتیک مذاکره لرده کیلیشماوسیزلیک بیر یانداشوو ایچیده بولیب اشغال سیاستینی دوام ایتتیرگندی. پشینیان ایسه ایچگی معمالرنی برطرف ایتیش اوچون مذاکره لرده "تینچلیک اوچون توپراق" اورنیده اشغال نی کوپه یتیریش بوییچه "ینگی اوروش" شکلینی عملی قیلیش گه اوروندی. بونینگ نتیجه سیده یوز بیرگن ایککینچی قاره باغ اوروشیده ارمنستان ینگی توپراق اشغال ایتیش اورنیده اشغال قیلیب آلگن توپراقلرنی هم قولدن بیریش گه مجبور بولیب قالدی. ارمنستان خلقی گه اوروش نینگ وضعیتی حقیده توغری معلومات بیرمه گن پشینیان 10 نوامبرده اوچ تامانلیک اعلامیه ترقه تیلر ایکن کمره لرنینگ قاشی گه چیقمه دی و شونده ی بولیب آتشکیسین شرطلری ارمنستان خلقی نینگ اوستیده یمان تاثیر قالدیرگن دیر. بناً ایککینچی قاره باغ اوروشی نینگ نتیجه لری نه فقط پشینیان باشقرووی اوچون عین دمده ارمنستان سیاستی، اردوسی و خلقی اوچون هم کتته معما توغدیردی.

اوچونچی سبب ایسه، ارمنستانده اداغگه ییتمه گن نفوذ قیلیش کوره شی دیر. ارمنستانده کوچینی قوریقلب کینگه یتیرماقچی بولگن قاره باغ کلانی و تورلی اولکه لرده گی ارمنی دیئاسپوره سی داخل بولگن گروپلر اورین آلماقده دیر. بو گروپلرنینگ اقتدار کوره شیده کوچ و مشروعیت قولگه کیریتیش اوچون تورلی اولکه لر یولگه قویگن همکارلیک و نفوذ کوره شی نینگ ایریم بیر بعدینی تشکیل ایتماقده دیر.

نفوذ کینگه یتیریش کوره شینی اساسن روسیه بیلن غرب اورته سیده گی کوره ش گه باغلش ممکن بولسه هم بو کوره ش مکرو کوره ش بیلن قوشیلیب اوز ایچیده ناانیق بیر وضعیت گه ایلنماقده دیر.

آگاهلنتیرووگه اوخشه گن اعلامیه گه قرشی کوره شیش یولنی تعقیب ایتگن پشینیان ینه بیر مدت اقتدارنی قوریقلب قاله دیگن گه اوخشه یدی. بیراق بو وضعیت ارمنستان سیاستیده برقرارلیک تامین ایتگن معناگه کیلمه یدی. یوقاریده بحث بولگن اوچ ته سبب بار. نی پشینیان حکومتی نینگ نی اردونینگ و نی کیله دیگن ینگی بیر ملکی حکومت نینگ قولیده بو سببلر یراتگن برقرارسیزلیک نی اورته دن کوتاریب تشله یه دیگن کوچ یوق.

خوفسیزلیک بوییچه تیکشیرووچی دوکتور مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حواله ایتدیک.