دنیانینگ اینگ خوفسیز شهرلری
بولرنی بیله سیز می؟
تورکیه نینگ ایسکی شهر ولایتی نینگ دنیانینگ اینگ خوفسیز شهرلری قطاریده سیکیزینچی اورینده تورگن لیگینی بیلرمیدینگیز؟
دنیا مقیاسیده تنیقلی تیکشیروو شرکتی نومبیئو، هر ییل تیارله گن دنیانینگ اینگ خوفسیز شهرلری رویخطینی اعلان قیلدی. رویخط نینگ ایلک اون قطاریده تورکیه نینگ اورته اناطولی منطقه سیده جایلشگن ایسکی شهر ولایتی هم جایلشگن.
نومبیئو تامانیدن هر ییل تیارلنگن دنیانینگ اینگ خوفسیز شهرلری رویخطی اولکه لرنینگ خوفسیزلیک باشقرمه لریدن قولگه کیریتیلگن جرم سویه سیگه قره ب تیارلنگن. 431 شهر تیکشیریب چقیلگن راپورده تورکیه دن ایسکی شهر سونگگی اوچ ییلده 41 سویه کوتاریلیب سیکیزینچی قطاردن اورین آلدی. بو رویخطده عین دمده 61 – قطارده انتالیا، 74 – قطارده بورسا، 77 – قطارده ازمیر، 183 – قطارده پایتخت انقره توره دی. استانبول ایسه 263 – قطارده اورین آلدی.
