تی آر تی نینگ اسپانیا تیلیده گی دیجیتال نشراتی باشله دی

خلق ارا نشرات ارگان لری بیلن تورکیه نینگ سیسی نی دنیا گه ایشتتیریش نی هدف قیلیب آلگن تی آر تی, تی آر تی ورلد, تی آر تی عربچه, تی آر تی روسچه, تی آر تی آلمانچه, تی آر تی فرانسوی, تی آر تی بالکان و تی آر تی افریقا آرتیدن ایندی تی آر تی اسپانیا تیلی دیجیتال نشراتی نی هم باشلتدی.

تی آر تی اسپانیا تیلی دیجیتال نشراتی نینگ تانیتیلیشی, "تی آر تی اسپانیا تیلیده گپیره دیگن اولکه لر 1- نشرات ییغیلیشی" نینگ ایکّینچی کونیده, تی آر تی عمومی باشلیغی محمد زاهد سوباجی میزبانلیگیده بولیب اوتدی. 

سوباجی قیلگن معروضه سیده, تی آر تی اوله راق, 17 تلویزیون و 17 رادیو کانالی, خارجی تیللرده گی دیجیتال خبر پلاتفرم لری, خلق ارا دیجیتال پلاتفرمی "طبیعی", تورت مجله, 41 تیل و لهجه ده گی انترنت و رادیو نشراتی بیلن دنیا نینگ ییتتی قطعه سی گه قره ته نشرات آلیب باریاتگن لیک لرینی معلوم قیلدی.

اسرائیل نینگ غزه گه قره ته هجوم لرینی باشلتگن 7- اوکتوبر دن بیری, دنیا نینگ اینگ مهم بشری امتحانده ینه موفقیتسیز بولگن لیگی نی کورگن لیک لری نی معلوم قیلگن سوباجی, میدیا نینگ هردایم گپیریب توریشی کیره ک ایکن لیگینی ایسله تیب اوتدی. 

سوباجی اوز سوز لرینی, "لیکن, غرب میدیاسی, اوشبو قیرغین لر گه عکس العمل کورستمه دی.  دنیا نینگ سوزده مهم نشرات ارگان لری, یوز بیریاتگن حادثه لرنی یاشیریش گه حرکت قیلرایکن, تی آر تی اوله راق غزه, جبالیه, خان یونس و رفح ده گی حادثه لرنی 41 تیل و لهجه ده ملی و بین المللی سویه ده یاریتیب بیرماقده میز.  ینه ده کوپراق تیل و جغرافیه ده نشرات آلیب باریش اوچون سعی و حرکت قیلماقده میز.  سیسی میز نینگ ییتیب بارمه یدیگن جای قالمس لیگی و میدیا نینگ اخلاقی نی اسره ب قالیش اوچون خلق ارا نشراتی میز نی کینگه یتیریش گه دوام ایته میز" شکلیده دوام ایتدیردی. 

اوشبو دایره ده تورکیه جمهوریتی جمهوررئیسلیک علاقه باشقرمه سی نینگ باشلیغی فخرالدین آلتون, تی آر تی عمومی باشلیغی سوباجی بیلن اسپانیا تیلیده گپیره دیگن 18 اولکه نینگ نشرات ارگان لری نینگ یوقاری مرتبه لی مسئول لری, تی آر تی نینگ اسپانیا تیلیده گی دیجیتال پلاتفرمی نی افتتاح قیلدی و مذکور پلاتفرم نینگ دستلبکی خبر لرینی ترقه تدی.