Oʻzbek muaytaychilari ikki nufuzli turnirda 37 ta medalni qoʻlga kiritdi

Turkiyaning Istanbul shahrida muaytay boʻyicha I Turk davlatlari oʻrtasidagi jahon chempionatida O'zbekiston terma jamoasi aʼzolari muvaffaqiyatli ishtirok etdi.

Mazkur nufuzli musobaqada 11 ta davlatdan 500 nafarga yaqin muaytaychilar gʻoliblik uchun kuch sinashdi. Unda o'zbekistonlik sportchilar 6 ta oltin, 10 ta kumush, 13 ta bronza jami 29 ta medal jamgʻarib, umumjamoa hisobida ikkinchi oʻrinni egalladi.

Shuningdek, Birlashgan Arab Amirligining Dubay shahrida muaytay boʻyicha yoshlar oʻrtasida tashkil etilgan “DUBAI OPEN” ochiq chempionatida terma jamoa aʼzolari 5 ta oltin va 3 ta kumush medalni qoʻlga kiritdi.