Matbuot sharhlari 11.10.2024

Hurriyat gazetasi: “Erdo’g'an: Netanyaxu global tartib uchun tahdid, Isroilga kerakli bosim o'tkazilishi kerak” sarlavhasi bilan xabar berdi.

Xabarga ko’ra, Turkiya Prezidenti Rajap Tayyip Erdo’g'an Albaniyada Bosh vazir Edi Rama bilan uchrashuv yakunlari bo’yicha matbuot anjumani o’tkazdi.

“Netanyaxu hukumati endi global tartibga tahdid solmoqda. G'azoda bir yildan beri davom etayotgan genotsid butun insoniyat uchun umumiy sharmandalikdir. Isroilga bosim o'tkazilishi kerak”,- deb aytadi Erdo’g’an.

Xabar turk gazetasi: “Erdo’g’andan dunyoga chaqiriq” sarlavhasi bilan xabar berdi.

Xabarga ko’ra, Turkiya Prezidenti Rajap Tayyip Erdo’g'an Albaniya poytaxti Tiranda Namozgoh masjidi ochilishida so’zlagan nutqida, xalqaro hamjamiyatga xitob qildi.  “Isroilga qarshi turish vijdoniy mas’uliyatdir”,- dedi Erdo’g’an.

Star gazetasi: “Tarixiy operatsiyaning birinchisi yakunlandi” sarlavhasi bilan xabar berdi.

Xabarga ko’ra, bosqichi Isroilning hujumlari davom etar ekan, Turkiya Livandagi fuqarolarini evakuatsiya qilmoqda. Livandan 966 nafar insonni evakuatsiya qilgan “TCG Bayraktar” va “TCG Sancaktar” dengiz kuchlari qo'mondonligiga qarashli ikki amfibiya kemasi Mersin portiga yetib keldi. Olib kelinganlar orasida 878 nafari Turk fuqarosi hisoblanadi.

Yeni shafak gazetasi: “Yevropada Togg uchun imkoniyat vaqti” sarlavhasi bilan xabar berdi.

Xabarga ko’ra, Yevropa Ittifoqining Xitoy elektromobillariga bojxona solig’ini qo’llashi Togg uchun yangi imkoniyat yo'lini ochdi. Sanoat vakillarining ta'kidlashicha, 2025 yil boshida Yevropa bozoriga kirishni maqsad qilgan Togg raqobatni yanada kuchaytiradi. Bundan tashqari, SUV modelidan ko'ra arzonroq bo'lishi kutilayotgan T10F modelining ishlab chiqarilishi Toggni yanada samaraliroq qiladi.

Sabah gazetasi: “Qishloq xo'jaligidan eksport rekordi” sarlavhasi bilan xabar berdi.

Xabarga ko’ra, Qishloq xo'jaligi sektori 26,1 milliard dollar bilan yanvar-sentyabr oylaridagi eng yuqori eksportga erishdi.