Matbuot sharhlari 04.10.2024

Xabar turk gazetasi: “Turkiya Livan va Falastin xalqi bilan birga” sarlavhasi bilan xabar berdi.

Xabarga ko’ra, Turkiya Milliy Xavfsizlik Kengashi Prezident Rajap Tayyip Erdo’g’an raisligida to’plandi. Yig’ilishdan so’ng berilgan bayonotda, Isroilning Livan va Falastinga qarshi sodir etayotgan hujumlariga diqqat qaratildi va xalqaro tashkilotlarni bu hujumlarni darhol to’xtatishga chaqirildi.

Hurriyat gazetasi: “Turkiya Suriyada terror yo’lagi qurilishiga yo’l qo’ymaydi” sarlavhasi bilan xabar berdi.

Xabarga ko’ra, kecha Erdo’g’an raisligida o’tkazilgan Milliy Xavfsizlik Kengashi yig’ilishida Suriya hududida joylashgan terror tashkilotlarini bartaraf etishga qaratilgan faoliyatlar jadallik bilan davom ettirilishi va Turkiyaning milliy xavfsizligiga ziyon yetkazadigan har qanday reja yoki qo’poruvchilik harakatlariga yo'l qo'yilmasligi ta'kidlandi.

Star gazetasi: “O'mer Chelik mintaqaviy urush haqida ogohlantirdi” sarlavhasi bilan xabar berdi.

Xabarga ko’ra, Adolat va taraqqiyot partiyasi rahbari o’rinbosari va partiya voizi O’mer Chelik Isroilning Livanga uyushtirgan hujumlari haqida, “Agar genotsid siyosati to’xtatilmasa, mintaqaviy urush bo’lishi mumkin”,- dedi.

Yeni shafak gazetasi: “Kipr oroli uchun sana e'lon qilindi” sarlavhasi bilan xabar berdi.

Xabarga ko’ra, Birlashgan Millatlar Tashkiloti matbuot kotibi Stefan Dujarrik, Kipr orolidagi tomonlar 15-oktyabr kuni uchrashuv o’tkazishini ma'lum qildi. BMT Bosh kotibi Guterrish avvalroq, Shimoliy Kipr Turk Respublikasi Prezidenti Ersin Tatar va Janubiy Kipr Rum boshqaruvi rahbari Nikos Hristodulidisni norasmiy maslahatlashuvlarga taklif qilgandi.

Sabah gazetasi: “THY jahon lideri bo’lish arafasida” sarlavhasi bilan xabar berdi.

Xabarga ko’ra, Turk Havo Yo'llari Boshqaruv va Ijroiya qo'mitasi raisi Ahmet Bolat 10 yil ichida 810 ta samolyotga ega bo’lgan dunyoning eng katta 4-chi aviakompaniyasi bo'lishni maqsad qilganini aytdi.