Kun tahlili 42- qism

Isroil ikki jabhada bir vaqtning o'zida urushmoqda

Isroil armiyasi G’azoda ishg’ol va qirg’inlarni davom ettirar ekan, Janubiy Livanda ham ishg’olni chuqurlashtirishga harakat qilmoqda.

 Armiya bir muddat chegara chizig’idagi Hizbulloh pozitsiyalariga qarshi maxsus kuch amaliyotlari olib borar ekan, mintaqadagi istehkomlarini ham oshirmoqda.

Biroq, G'azoda ham, Livanda ham qarshilik kuchli bo'lib, Isroil ikki jabhada bir vaqtning o'zida amalga oshirayotgan operatsiyalarida qiyinchilik va katta yo'qotishlarga duchor bo'layotgan ko'rinadi.

Bularning barchasiga qaramay, Isroil Suriyadagi Golan-Quneytra liniyasida bufer hudud yaratishga harakat qilmoqda.

 Boshqa tomondan, Eronga qarshi havo operatsiyasiga tayyorgarlik ko'rmoqda. Netanyaxu va uning urush kabineti katta qimor o'ynamoqda.

SETA / Tashqi siyosat tadqiqotchisi Jan AJUNning ushbu mavzu bo'yicha bahosini taqdim etamiz...

Netanyaxu va uning urush kabineti Isroilning qudratiga qarshi chiqish orqali katta qimor o'ynamoqda. Isroil armiyasi hozirda G‘azo va Janubiy Livanda quruqlikdagi urushda.

 G'azodagi Qassam Brigadalari turar-joylarda assimetrik qarshilik ko'rsatishda davom etar ekan, Isroil quruqlik armiyasiga jiddiy talofatlar berishda davom etmoqda.

 Xuddi shunday Hizbullohning partizan tipidagi qarshiliklari Janubiy Livanda kuchayib bormoqda va Isroil armiyasi bu jabhada ham yo'qotishlarga uchragan ko'rinadi.

Armiyaning ikkiga bo'linishi havo kuchlari va texnik imkoniyatlarini keskinlashtiradigan vaziyatni yaratadi. Yana Isroil matbuotiga ko‘ra, armiya tank va artilleriya o‘q-dorilari yetishmasligini boshdan kechirmoqda.

 Hizbulloh ham raketa  va kamikadze dron hujumlarini kuchaytira boshladi. Tashkilot Hayfa va uning atrofida samarali zarba bera boshlagach, Isroilning yo'qotishlari ham ortib bormoqda.

Nihoyat, janubiy Hayfada kamida 50 km chuqurlikda joylashgan Golani bazasiga kamikadze dronlarining zarba berishi natijasida ko‘plab isroillik askar halok bo‘ldi va yaralandi. Bular ikki jabhada ro’y berayotgan bir paytda, Iroqdagi Islomiy Qarshilik va Yamandagi Ansorulloh harakati Isroilni vaqti-vaqti bilan nishonga olmoqda. Isroil esa Suriyadagi Golan-Quneyra hududida bufer hudud yaratish uchun harakat qilmoqda.Va, albatta, Eronga qarshi yirik havo operatsiyasiga hozirlik ko‘rmoqda.

 AQShning yuqori balandlikdagi havo hujumidan mudofaa tizimlari THAAD Isroilga yetib bordi va Isroil istalgan vaqtda Eronga hujum qilishi mumkin. Eron bu hujumga javob berishi kutilmoqda.AQShning cheksiz qo'llab-quvvatlashiga qaramay, barcha jabhalarda bir vaqtning o'zida uzoq davom etadigan urushga tortilgan Isroil armiyasi va, albatta, uning jamiyati qanchalik uzoq davom etishi katta savol belgisidir.Netanyaxu va uning kabineti katta qimor o'ynamoqda, ular hammasi yoki hech narsa rejimida harakat qilmoqdalar, ammo har bir qimorboz kabi ular oxir-oqibat yutqazadilar.

 Biz SETA / Tashqi siyosat tadqiqotchisi Jan AJUNning ushbu mavzu bo'yicha bahosini taqdim etdik ...