Eronda sodir bo'lgan YTHda 10 kishi halok bo‘ldi

Eronning Yazd shahrida avtobusning ag‘darilib ketishi oqibatida 10 kishi halok bo‘ldi, 36 kishi jarohatlandi.

Eron ishchilar axborot agentligi xabariga ko'ra, Yazd Qizil yarim oy jamiyati bosh direktori Muhammad Ashiqiy voqea haqida ma'lumot bergan.

"Yarim tunda avtobus Sagend trassasidagi Robat qishlog'i yaqinida ag'darilib ketdi. YTHda 10 kishi halok bo'ldi, 36 kishi yaralandi", - dedi u.

Voqea sabablari haqida ma'lumot bermagan Eron rasmiysi, jarohatlanganlarning mintaqadagi shifoxonalarga yuborilganini qayd etdi.