تۈركىيە دېھقانچىلىق كىرىمى جەھەتتە ياۋروپا بويىچە 1- ۋە دۇنيا بويىچە 9- بولدى

تۈركىيە ئاۋازى رادىيوسى خەۋىرى: مىنىستىر ئىبراھىم يۇماكلى غازىئانتەپتە شەرقىي جەنۇبى ئانادولۇ ئېكسپورتچىلار جەمئىيىتىدە ئۆتكۈزۈلگەن ساھە مەنپەئەتدارلىرى يىغىنىغا قاتنىشىپ، تۈركىيەنىڭ دۇنيادىكى دېھقانچىلىق ئىشلەپچىقىرىشى جەھەتتە ئاز ساندىكى دۆلەتلەرنىڭ بىرىگە ئايلانغانلىقىنى بىلدۈردى.

يۇماكلى: «بىز دېھقانچىلىق كىرىمى جەھەتتە ياۋروپا بويىچە1- ۋە دۇنيا بويىچە 9-ئورۇندا تۇرىمىز» دېدى ھەمدە يېزا ئىگىلىك ئىشلەپچىقىرىشىنىڭ ئىستراتېگىيەلىك ئەھمىيىتى يۇقىرى كۆتۈرۈلگەن بۇ مەزگىلدە، يوشۇرۇن كۈچنى قوغداش ۋە رىقابەت كۈچىنى ئاشۇرۇش كېرەكلىكىنى  بىلدۈردى.