تۈركىيە كوماندىسى ساھىبخان كوماندا ئىسلاندىيە كوماندىسى بىلەن مۇسابىقىگە چۈشىدۇ

تۈركىيە ئاۋازى رادىيوسى خەۋىرى: ئىسلاندىيە پايتەختى رېيكياۋىكتىكى لۆيلاخدا (Laugardalsvöllur) شىۋادلۆر تەنتەربىيە مەيدانىدا ئەنقەرە ۋاقتى 21.45، ئۈرۈمچى ۋاقتى 15-ئۆكتەبىر 00.45 تە تۈركىيە-ئىسلاندىيە مۇسابىقىسى ئۆتكۈزۈلىدۇ. مۇسابىقىگە، پولشا پۇتبول فېدېراتسىيەسىنىڭ ئەزاسى دامىيان شېلۋاشتىشاخ (Damian Sylwestrzak) رېپېرلىق قىلىدۇ.

تۈركىيە كوماندىسى گۇرۇپپىسىدىكى بىرىنچى قېتىملىق مۇسابىقىدە، گاللېر كوماندىسى بىلەن 0-0 تەڭلىشىپ قالغان ئىدى. ئىزمىردە ئىسلاندىيە كوماندىسى بىلەن ئۆتكۈزۈلگەن مۇسابىقىدە، 1 گە قارشى 3 نەتىجە بىلەن ئۇتقان ئىدى.

تۈركىيە كوماندىسى 11-ئۆكتەبىردىكى مۇسابىقىسىدە، قاراتاغ كوماندىسىنى 0 گە قارشى 1 نەتىجە يەڭدى.

گۇرۇپپىدىكى مۇسابىقىسىنى 0 گە قارشى 2 نەتىجە بىلەن قاراتاغ كوماندىسى ئۈستىدىن غەلىبە قىلىپ باشلىغان ئىسلاندىيە كوماندىسى، تۈركىيەگە 3 كە قارشى 1 نەتىجە بىلەن ئۇتتۇرۇپ قويدى. گاللىر كوماندىسى بىلەن بولغان مۇسابىقىسىدە 2-2 تەڭلىشىپ قالدى.

تۈركىيە كوماندىسى گۇرۇپپىسىدا 7 نومۇر بىلەن بىرىنچى رەتتە، گاللىر 5 نومۇر بىلەن ئىككىنچى، ئىسلاندىيە 4 نومۇر بىلەن ئۈچىنچى ئورۇندا تۇرماقتا.