تۈركىيە-قاراتاغ مۇسابىقىسى بۈگۈن ئۆتكۈزۈلىدۇ

تۈركىيە ئاۋازى رادىيوسى خەۋىرى: تۈركىيە-قاراتاغ مۇسابىقىسى بۈگۈن سامسۇن 19-ماي تەنتەربىيە مەيدانىدا ئەنقەرە ۋاقتى 21.45، ئۈرۈمچى ۋاقتى 12-ئۆكتەبىر 0 دىن 45 مىنۇت ئۆتكەندە باشلىنىدۇ. ئىتالىيە پۇتبول فېدېراتسىيەسىنىڭ ئەزاسى دانىيىلې گىففى (Daniele Chiffi) رېپېرلىق قىلىدۇ.

تۈركىيە كوماندىسى گۇرۇپپىسىدىكى بىرىنچى قېتىملىق مۇسابىقىدە، گاللېر كوماندىسى بىلەن 0-0 تەڭلىشىپ قالغان ئىدى. ئىزمىردە ئىسلاندىيە كوماندىسى بىلەن ئۆتكۈزۈلگەن مۇسابىقىدە، 1 گە قارشى 3 نەتىجە بىلەن ئۇتقان ئىدى.

قاراتاغ كوماندىسى بولسا، ئىسلاندىيە كوماندىسىغا 2 گە قارشى 0، گاللېر كوماندىسىغا 2 گە قارشى 1 نەتىجە بىلەن ئۇتتۇرۇپ قويغان ئىدى.

تۈركىيە كوماندىسى گۇرۇپپىسىدا 4 نومۇرغا ئېرىشكەن بولۇپ بىرىنچى، گاللېر كوماندىسى 4 نومۇر بىلەن ئىككىنچى، ئىسلاندىيە 3 نومۇر بىلەن ئۈچىنچى ئورۇندا تۇردى. قاراتاغ كوماندىسى نومۇرغا ئېرىشەلمىدى.

گۇرۇپپىدىكى يەنە بىر مۇسابىقىدە، ئىسلاندىيە كوماندىسى بىلەن گاللېر كوماندىسى رىقابەتلىشىدۇ.