ئىسرائىلىيە غەززەدە ئائىلە قورو بىنالىرىغا ھۇجۇم قىلىپ، ۋەھشىيانە قىرغىنچىلىقىنى داۋاملاشتۇرماقتا

 ئىسىرائىلىيە ئايروپىلانلىرىنىڭ غەززەنىڭ ئوتتۇرا ۋە شىمالىي رايونلىرىغا قىلغان ھۇجۇمىدا، 25 پەلەستىنلىك ھاياتىدىن ئايرىلىپ، كۆپ ساندا پەلەستىنلىكلەر يارىلاندى.

ئىسرائىلىيە ئۇرۇش ئايروپىلانلىرى غەززە زېمىنىنىڭ شىمالىدىكى مەشرۇ بەيت لاھىيا رايونىدا كەمال ئەدۋان دوختۇرخانىسى يېنىدىكى ئۈچ قەۋەتلىك بىر بىنانى بومباردىمان قىلدى.

ھۇجۇمدا بىنا پۈتۈنلەي ۋەيران بولدى، 18 كىشىنىڭ ھاياتىدىن ئايرىلغانلىقى ۋە 12 كىشىنىڭ ھازىرمۇ بىنا خارابىلىكى ئاستىدا ئىكەنلىكى بىلدۈرۈلدى.

ئىسرائىلىيەنىڭ نۇسايرات پاناھلانغۇچىلار لاگېرىنىڭ جەنۇبىي ھەمدە غەربىدىكى سافىن رايونىدا بىر ئائىلە قورو بىناسىنى بومباردىمان قىلىشى نەتىجىسىدە ھاياتىدىن ئايرىلغان يەتتە كىشىنىڭ جەسىتى بىلەن يارىلانغان ئالتە كىشى ئەل ئەۋدە دوختۇرخانىسىغا ئېلىپ كېلىندى.

پەلەستىنلىك پۇقرالار بىلەن قۇتقۇزۇش ئەترەتلىرى بىنا خارابىلىكى ئاستىدىكى كىشىلەرنى ئىزدەش ۋە قۇتقۇزۇش خىزمەتلىرىنى داۋاملاشتۇرماقتا.