ياپونىيەدە بىر ئايرودۇرۇمدا پارتلاش يۈز بەردى

تۈركىيە ئاۋازى رادىيوسى خەۋىرى: ياپونىيەنىڭ مىيازاكى ئۆلكىسىدىكى مىيازاكى ئايرودۇرۇمىدا پارتلاش يۈز بېرىپ، ئۇچۇش يولىدا دىئامېتىرى 7 مېتىر، چوڭقۇرلۇقى 1 مېتىر كېلىدىغان ئورەك پەيدا بولغانلىقى بىلدۈرۈلدى.

ۋەقەدە ئادەم ئۆلۈش ۋە يارىلىنىش ھادىسىسى كۆرۈلمىدى، تەدبىر ئۈچۈن بارلىق ئايروپىلانلار توختىتىلدى. ۋەقە ھەققىدە تەپسىلىي تەكشۈرۈش باشلاندى.

ئۇچۇش يولىدا 2-دۇنيا ئۇرۇشى مەزگىلىدىن قالغان پارتلىمىغان ھەربىي ئەسلىھە بولۇش ئېھتىماللىقىغا قارىتا، ساگا ۋىلايىتىگە جايلاشقان ياپونىيە ئۆزىنى قوغداش قىسمى (SDF) بومبا بىر تەرەپ قىلىش گۇرۇپپىسىنىڭ مىيازاكى ئايرودۇرۇمىغا ئەۋەتىلگەنلىكى ئېلان قىلىندى.