مېكسىكادىكى تاغ گۈمۈرۈلۈپ چۈشۈش ۋەقەسىدە ئالتە كىشى قازا قىلىپ، ئۈچ كىشى يارىلاندى

تۈركىيە ئاۋازى رادىيوسى خەۋىرى: يەرلىك تاراتقۇلارنىڭ خەۋىرىگە ئاساسلانغاندا، قاتتىق يامغۇر مېكسىكانىڭ ناۋكالپان شەھىرىدە خەلق تۇرمۇشىغا ئېغىر تەسىر كۆرسەتكەن.

يامغۇر سەۋەبىدىن كېلىپ چىققان تاغ گۈمۈرۈلۈپ چۈشۈش ۋەقەسىدە ئىككى ئايالنى قوشقاندا، جەمئىي ئالتە كىشى قازا قىلغان ۋە ئۈچ كىشى يارىلانغان.

تاغ گۈمۈرۈلۈپ چۈشۈش نەتىجىسىدە بىر ئۆي ۋە بىر مەكتەپمۇ زىيانغا ئۇچرىغان.

9-ئاينىڭ 14-كۈنى مېكسىكا سىتىنىڭ غەربىدىكى مېكسىكا ئۆلكىسىگە قاراشلىق جىلوتزىنگودا تاغ گۈمۈرۈلۈپ چۈشۈپ 9  كىشى قازا قىلغان ئىدى.

رايوندا تاغ گۈمۈرۈلۈپ چۈشۈش سەۋەبىدىن 100 دىن ئارتۇق ئائىلە بىخەتەر رايونلارغا تارقاقلاشتۇرۇلغان ئىدى.

ئىيۇل ئېيىنىڭ ئاخىرىدا يامغۇر پەسلى باشلانغاندىن بۇيان، تاغ گۈمۈرۈلۈپ چۈشۈش ۋە شىددەتلىك يامغۇرلار مېكسىكاغا ئېغىر تەسىر كۆرسىتىشنى داۋاملاشتۇرماقتا.