فىرانسىيەنىڭ پايتەختى پارىژدا بىر بىنانىڭ ئۈستۈنكى قەۋىتىدە ئوت ئاپىتى يۈز بەردى
فىرانسىيە دۆلەت تاراتقۇلىرىنىڭ خەۋەر قىلىشىچە، تۈنۈگۈن شۇ يەرنىڭ ۋاقتى 16:45 دە پارىژنىڭ 13 - رايونىدا 10 قەۋەتلىك بىر بىنانىڭ ئۈستۈنكى قەۋىتىدە ئوت ئاپىتى يۈز بەرگەن.
2188596
تۈركىيە ئاۋازى رادىيوسى خەۋىرى: ئوت ئاپىتىگە ئارىلىشىش ئۈچۈن نۇرغۇن ئوت ئۆچۈرۈش خادىملىرى رايونغا ئەۋەتىلگەن. بىنا ئەتراپىدا بىخەتەرلىك تەدبىرلىرى يولغا قويۇلغان.
<لې فىگارو گېزىتى> نىڭ خەۋەر قىلىشىچە، ئوت بىنانىڭ ئۈستۈنكى قەۋىتىدە قۇرۇلۇش پائالىيىتى ئېلىپ بېرىلىۋاتقان جەرياندا يۈز بەرگەن.
ئوت ئاپىتى جەريانىدا كەم دېگەندە ئىككى گاز تۇڭى پارتىلىغان، ۋەقەدە بىر قۇرۇلۇش خادىمى ۋە بىر ئوت ئۆچۈرۈش خادىمى يارىلانغان.
پارىژ 13 - رايون باشلىقى جېروم كومېت ئوت ئاپىتىنىڭ شۇ يەرنىڭ ۋاقتى 19:00 ئەتراپىدا كونتروللۇق ئاستىغا ئېلىنغانلىقىنى بىلدۈردى.
مۇناسىۋەتلىك خەۋەرلەر
جەنۇبىي كورېيەنىڭ سابىق پىرېزىدېنتى يۇن سۇك يېئول قولغا ئېلىندى
جەنۇبىي كورېيەنىڭ ۋەزىپىدىن ئېلىپ تاشلانغان پىرېزىدېنتى يۇن سۇك يېئول قولغا ئېلىندى.
