اٹلی اور سویٹزر لینڈ دوبارہ سرحدوں کا تعین کریں گے
اٹلی اور سوئٹزرلینڈ کی سرحد زیادہ تر گلیشیئرز، رج لائنز اور برفانی میدانوں پر مشتمل ہے تاہم ماحولیاتی تبدیلیوں کے باعث تیزی سے برف پگھلنے کے باعث قدرتی سرحدیں تبدیل ہوتی جا رہی ہیں جس کی وجہ سے دونوں ممالک کو اپنی سرحدوں کے تعین کی ضرورت ہے
سوئٹرزلینڈ اور اٹلی کوایک مرتبہ پھر سے اپنی سرحدوں کا تعین کرنے کی ضرورت پیش آگئی ہے۔
خبر کے مطابق، ماحولیاتی تبدیلیوں کے باعث ایلپس کے پہاڑی سلسلے میں موجود گلیشیئرز کے پگھلنے کے باعث اٹلی اور سوئٹزرلینڈ نے نئے سرے سے اپنی سرحدوں کے تعین کا فیصلہ کیا ہے۔
رپورٹ کے مطابق ماحولیاتی تبدیلیوں سے متاثرہ یورپ کی سب سے اونچی چوٹی میٹر ہورن کے علاقوں میں دونوں ممالک ایک مرتبہ پھر سے اپنی سرحد کا تعین کریں گے۔
اٹلی اور سوئٹزرلینڈ کے درمیان واقع سرحد زیادہ تر گلیشیئرز، رج لائنز اور برفانی میدانوں پر مشتمل ہے تاہم ماحولیاتی تبدیلیوں کے باعث تیزی سے برف پگھلنے کے باعث یہ قدرتی سرحدیں تبدیل ہوتی جا رہی ہیں جس کی وجہ سے دونوں ممالک کو اپنی سرحدوں کے تعین کی ضرورت پیش آگئی ہے۔
سوئٹزرلینڈ نے سرحد کے دوبارہ تعین کیلئے معاہدے کرنے کی منظوری دیدی ہے تاہم اٹلی کی جانب سے مئی 2023 میں مشترکہ کمیشن کے تجاویز کے باوجود اس معاملے پرابھی کوئی فیصلہ سامنے نہیں آیا۔
اعداد و شمار کے مطابق 2023 کے دوران سوئٹزرلینڈ میں گلیشیئرز میں 4 فیصد کمی ریکارڈ کی گئی جو کہ 2022 میں ریکارڈ کی گئی 6 فیصد کی تاریخی کمی کے بعد دوسری سب سے بڑی کمی تھی۔
سوئز حکام کے مطابق دونوں ممالک نے اپنے معاشی مفادات کے پیش نظر سرحد کے دوبارہ تعین کا فیصلہ کیا ہے تاکہ ہمیں یہ فیصلہ کرنے میں آسانی رہے کہ ان فطری علاقوں کی دیکھ بھال کی ذمہ داری کس پر عائد ہوگی۔
حکام کا کہنا ہے کہ ایک مرتبہ دونوں ممالک کے درمیان معاہدہ طے پانے کے بعد معاہدے کی تفصیلات جاری کی جائیں گی۔
متعللقہ خبریں
جرمنی، سیکسونیا صوبے میں کرسمس مارکیٹ کے ہجوم پر ایک شخص نے گاڑی چڑھا دی
حملے میں دو افراد ہلاک جبکہ 60 سے زائد افراد زخمی ہوئے، جن میں سے کچھ کی حالت تشویشناک ہے
