گزشتہ سال دنیا بھر میں 17٫1 ملین برقی گاڑیاں فروخت ہوئیں

دنیا بھر میں الیکٹرک گاڑیوں کی فروخت گزشتہ سال 17.1 ملین کی ریکارڈ سطح پر پہنچ گئی۔

برطانیہ میں قائم تحقیقی ادارے آر ایچ او موشن کی جانب سے الیکٹرک گاڑیوں کی فروخت کے حوالے سے جاری کردہ 2024 کے اعداد و شمار کے مطابق عالمی سطح پر 2023 کے مقابلے میں گزشتہ سال الیکٹرک گاڑیوں کی فروخت میں 25 فیصد اضافہ ہوا۔

اس اضافے کے ساتھ سال  2024 میں دنیا بھر میں فروخت ہونے والی 17.1 ملین برقی گاڑیوں کے ساتھ ایک ریکارڈ  قائم ہو گیا۔

گزشتہ سال الیکٹرک گاڑیوں کی فروخت مجموعی طور پر 17.1 ملین تھی ، جس میں چین میں 11 ملین ، یورپ میں 3 ملین ، امریکہ اور کینیڈا  میں 1.8 ملین اور باقی خطوں میں 1.3 ملین شامل ہیں۔