لبنان پر اسرائیلی حملوں کا سلسلہ گزشتہ رات بھی جاری رہا

لبنان کے دارالحکومت بیروت کے جنوب میں یکے بعد دیگرے شدید دھماکے ہوئے جہاں گزشتہ 24 گھنٹوں کے دوران اسرائیلی فضائی حملوں میں 37 افراد ہلاک ہو گئے۔

امریکی Axios نیوز پلیٹ فارم کی خبروں میں، تین اسرائیلی اہلکاروں  کے حوالے سے یہ دعویٰ کیا گیا  ہے حملوں کا ہدف 27 ستمبر کو مارے جانے والے حزب اللہ کے رہنما حسن نصر اللہ کے ممکنہ جانشین ہاشم صفی الدین تھے۔

خبر کے مطابق  ان حملے کےنقصانات  27 ستمبر کو ہونے والے حملے سے زیادہ وسیع پیمانے کے تھے ،  البتہ  اسرائیل نے ابھی تک اس معاملے پر کوئی بیان نہیں دیا ۔

دوسری جانب لبنان اور شام کے درمیان المصنا  سرحدی چوکی  پر بھی اسرائیلی فوج نے حملہ کیا۔

حملے میں کسی کے ہلاک ہا زخمی ہونے کے حوالے سے کوئی معلومات فراہم نہیں  کی گئیں۔

ادھر لبنانی وزارت صحت کی جانب سے جاری کیے گئے تحریری بیان میں کہا گیا ہے کہ اسرائیل کی جانب سے گزشتہ 24 گھنٹوں کے دوران کیے گئے حملوں میں 37 افراد ہلاک اور 151 زخمی ہوئے۔